Anihiburu 6:11 - IWE ỌNỊNỊ

¹¹ Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Anihiburu 6:11 Referans Kwoze

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Ẹtore 2:26

Ọ kà, Ọza ana àa nyị ehuna, dọ ọ sị ụvọ za ụkọrọ anị ne tù ịrẹsụ nị, ọnị vaa mẹ ka ẹ̀ nyị ọda tụ́ ịrẹsụ anẹhẹ,

1 Ịjọọnụ 3:14

Àa vị ẹyị yọ, yáa yẹ ka ya sị jịnẹ hụụnị isu va ngụ ịnị ọyịyara obooro. Ịsị ẹ sị zụ̀ ọ vị ka yée sì ịrẹyị ọdọwụ nịnị. Ọza ene è yi sì ịrẹyị ọdọwụ, ẹẹ̀ yị há hụrị isu ụvọ.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

2 Anịtẹsaronika 3:13

Ama anda ayị nịnị, asị ọyịza ọyịmẹ̀ du wu nịnị eyi!

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Ayịsaya 32:17

Ẹngụ ọzọza vị ana vaa rọ pooro dị ẹ yị kụkụ nyị ayịhụrịnẹ, agụvị ka avaba aza aa mẹ ịzẹyịza avaba aha.

1 Anịtẹsaronika 4:10

Ịzẹyịza, avọọ ụ màa mẹẹ hi anda ayị ene hi Imasedoniya nị. Ẹwụ nịnị ẹyịnyara amị, yaa dá ịpẹẹ wụ nịnị ka waa sịị vụrịị hu avọọ nịnị.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.

Anihwiripi 3:15

Avaba ẹyị ana sị vịra tụ́ ịnị ịrẹyị Ohomorihi, áa vọrọ ka ẹngụ ariro ọnọọ ọ̀ yà ịnị ayị ayị. Ariro awụ nịnị ọ̀ọ jị ọnọọ nyee ịnị ịsa ẹnyị, Ohomorihi vaa sịị zụ̀ wụ nịnị bẹẹ.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

1 Anịkọrịntị 13:13

Ịsa ana vaa yà pooro zịna-zịna ẹ vị ẹdọwụ, ọyịtureyi ọnịrị ịrẹyị ọza oyisì nị. Ịnị ịsa ẹyịta ẹnẹnị, ịrẹyị ọza oyisì o hu keekere nị.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

1 Ịjọọnụ 3:19

Ịsị zụ sị yẹ ka ya vị ọnịzẹyịza ọ vị ọnọọ nị, dị ị rẹ nyị ayọnẹtẹ ọvịdị Ohomorihi.

Anikorasi 2:2

Mị vavọọ aa vụrị agụvị ayị ẹnịnị ẹ̀ vị́, di è zụ sì ịrẹyị ẹngụ, dị ẹ̀ rẹ zụ vabẹ. Mee sì ka ẹ̀ yẹ ẹtẹẹtẹrẹ ịsa Ohomorihi vị ọnịrị ịrẹyị oni iruvo anị nyịnẹ. Ịrẹyị ọnọọ ọ vị Ikirisiti ọnị nyẹmba nị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

Anigaratiya 5:5

Àa vị ẹyịị yọ, ẹyị vị ene ee zí eyi ka ịnị ụkata Ụhwẹ Ọnịnị Óhomorihi vaa hị́ yị ọnịrẹyịzẹyịza nị. Agụvị ka yáa sị ayị tụra Ijeesu.

Iruuku 1:1

Aza ọrụrụ-ọrụrụ ẹ raà sị vụrị ka ẹnị ẹ̀ chẹrẹ ẹ ahụ-ahụ avaba ịsa ana mẹ ịnị akakana ẹ yị.

Ijosuwa 7:3

Ịjị anọrụ ẹnẹẹ varẹma vẹ tu Ijosuwa dị ẹ ka ẹkụra ẹ yị nyị ọ ya. Ẹ yị nyị ka avaba isoja ẹ na gẹ wa ịrẹkụ. Dị ẹ ka Ijosuwa ọ tụ́ ẹhụ aza ẹnị akawụ avị akawụrakahị na pe wa zyaazị nị. Aza chee kẹnẹ anẹkụra ọnọọ vị nị.