Anihiburu 6:10 - IWE ỌNỊNỊ

¹⁰ Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

Anihiburu 6:10 Referans Kwoze

Imatiwu 10:42

Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Anihiburu 13:16

Tamayị di u we re ka waa mẹ ọyịza nịnị! Ịsị ụ wàa nyị, ẹwụrị ọza ọ̀ọ gàa nịnị! Ẹngụ ẹnẹẹ ọ vị ịsọvọ oni Ohomorihi sì nị.

Anigaratiya 6:10

Agụvị avọọ ụmẹ tụra ụmẹ oni yèe re oze, à vẹ vị yaa mẹ ọyịzaa yị avaba aza, hu keekere yị aza ẹnẹ ẹyịrị dudu dọ Ijeesu Ikirisiti wụ́.

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

1 Itimoti 6:18

Kàa ka ẹ̀ẹ mẹ ọyịza, dị ẹ̀ẹ mẹ ọza ẹyịza, asị ẹ ngụ ayịsa! Ọnọọ ọ vaa mẹ ka ẹ̀ vị ọzọbanyị obooro nị.

Ịmaakị 9:41

Ịzẹyịza m maa kà nị, ọza ana àa ká enyi ako ọnya yị wụ nịnị ka we hú ọọ, agụvị ka wâ vị Íikirisiti nịnị, ẹ yị zụ nyị ka ọ yị vaa rị ọgụ anị.”

Aniroomi 12:13

Ẹwụrị aza Ohomorihi è duduu gà ịsụ wàa nyị nịnị, dụ wee sì ọzọga nịnị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Ịjọọnụ 13:20

Ịzẹyịza m maa kà a wụ nịnị nị, ọza tụra ọza ana àa dọ ọza ọnị mị tụ́ ụtụ, ẹmị ọ rẹ dọ avọọ nị. Ọza ana àa dọ mị, ọ rẹ dọ Ọza ana tụ́ mị vẹ ẹhẹ.”

Inehemaya 5:19

Mâ mẹ̀ aduwa ka Ohomorihi ọ̀ mẹ ize yị mị ịnị avaba ịsa ọnị mị raà mẹ yị aza anị nị.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

2 Anịkọrịntị 9:1

Ịnị ka àa mẹ ọgụvọọ yị aza Ohomorihi, ẹ yị kụkụ nyị ka maa chẹrẹ iwe anịị tụ́ụ hi wu nịnị.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Inehemaya 13:31

Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.

Inehemaya 13:22

Dị mị mẹ ọda yị Anireevi ka ẹ sị ụvọ za ẹngụ ẹnịnị, di e si eyi pe oze ọbanyị ẹkụra agụvị à sị ẹkụhị ụhwọtụ tịtẹ yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

1 Ịjọọnụ 1:9

Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.

Ahẹ Ụgama 20:3

Ohomorihi ọ̀ navọ avaba ịsọvọ ọnị waa mẹẹ yọ ọ̀ ngụ ọ eyi, dị ọ̀ dọ.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Ọyịkụra 1:20

Ohomorihi ô mẹ ka ò zee yị anẹẹ ẹyịva ana aā gụ anẹẹ Anihiburu ụvọ, di Anisirẹrị ẹnị raa yịị rụrụụ hu avọọ pooro kẹnẹ nị.

Ịrẹyị Ọzwọzịsa 11:1

Waa mẹ ẹyịza ụmẹzụ-ụmẹzụ, óo kukuku ẹyịza awụ vaa va ụhị vàa ka awụ vẹ.

Ijeremaya 31:16

Ẹnẹyịmavara kà, hụụnị orere ọ̀ yị jị dị we nyee ẹgọ hụụnị eyi awụ, agụvị ka ụ vaa dọ ọgụ ụkọrọ awụ. Ezi ewu vanaa vàa hụrị ẹtẹ ọnịvị ẹnịnị ve eehi.

Anihiburu 10:32

Tamayị ịsa ana mẹ nịnị ịyẹẹyẹ, u mè re ẹtohweyi Ohomorihi nịnị ịpaapa! Wa daka yị rị ụya nịnị ẹtẹẹtẹrẹ, ama wa sị sị ẹngụ dọ ọ nịnị.

Imatiwu 20:7

Dị ẹ kà a yọ ka agụvị ka ẹ yị nyị ọza ana hị́ ẹnị ụkọrọ yọ nị. Dị ọ kà a yị wa ka: ‘Nọ ịnị ụbazị amị nịnị ka ịsị ẹ̀ẹ vọrọ, mị vaa sịị yị wụ nịnị.’

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.