Anihiburu 5:7 - IWE ỌNỊNỊ

⁷ Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Anihiburu 5:7 Referans Kwoze

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Imatiwu 27:46

Ịnị ẹhụụ ụmẹ agogo ẹẹta, dị Ijeesu nowu tụ́ ẹba, dị ọ ka, “Ohomorihi amị, Ohomorihi amị, sị ẹ vẹ dị ụ sị ayị hụụnị ịrẹyị amị?”

Ịmaakị 15:34

Ịnị ụmẹ agogo ẹẹta, dị Ijeesu nowu tụ́ ẹba, dị ọ ka, “Ohomorihi amị, Ohomorihi amị, sị ẹ vẹ dị ụ sị ayị hụụnị ịrẹyị amị?”

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Ịjọọnụ 11:35

Ẹgọ ộ jị Ijeesu ụvọ.

Imatiwu 27:50

Ijeesu o re nowu tụ́ ẹba, dị ọ hụrẹ ụhwẹ anị ụvọ nị.

Ịmaakị 15:37

Ijeesu ộ nowu tụ́ ẹba, dị ọ hụrẹ ụhwẹ anị ụvọ nị.

Ahẹ Ụgama 22:24

Ohomorihi ọ yị mẹ onosiye isiya, ộ tamayị aza ana aa rị ụya. Aza ana aa rị ụya mè nowu na za Ohomorihi ọ yị kà ka oni o yi tụ́ òhi ama ọ na ba wa owu.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Ahẹ Ụgama 69:1

Ohomorihi, navọ kwogwo wa dọ mị tụ́ ka ẹngụkata ọnọnị aa vaa mụnẹ mị anka enyi avọọ ọ sị kà mị ọrọkọ booro aanị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Ayịsaya 49:8

 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

2 Ịjọọnụ 1:7

M maanị aa kà a agụvị ka enevene nịnị ẹ sị gara hi ẹhẹ. Ẹnịnị ẹ yị dọ ka Ijeesu ộ vẹ ẹhẹ anka ọza. Ẹngụ aza ẹnẹẹ vị enevene, ọnịvị Ikirisiti ẹ rẹ vị nị.

1 Ịjọọnụ 4:3

Ama ọza tụra ọza ẹnị ẹ̀ yị dọ ka Ijeesu Ikirisiti ộ vẹ ẹhẹ anka ozi ọza, ẹ́ yị vị Ụhwẹ Ọnịnị Ohomorihi ọza ọnọọ nyị. Ụhwẹ ọnịvị Ikirisiti ẹ́ngụ ọza ọnọọ nyị nị. Wâ vịdị wụ́ nịnị ka ọ vaa vẹ ịnị ẹhẹ, ịzẹyịza, ọ yà ịnị ẹhẹ booro aanị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Ịjọọnụ 11:42

Ma rẹ yẹ ka ụụ̄ sị ụtọọ tụ́ ịnị ịrẹyị amị pooro nị Ọsọnị vị ọnị maa kà, agụvị aza ana jẹẹ ịzẹnị aanị, dị ẹ̀ zụ dọ wụ́ ka ẹwa tụ́ mị vẹ ẹhẹ nị.”

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ahẹ Ụgama 88:1

Ẹnẹyịmavara, ẹwụ Ohomorihi ana dọ mị tụ́ ẹwụ maa hị́ pooro ọọdụ ọnịrị ịrahụ nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Anihiburu 10:5

Agụvị avọọ Íkirisiti màa vaa vẹ ẹhẹ, ọ́ọ kà a yị Ohomorihi ka, “Wẹ yị sì ịsọvọ ọnịrị ẹyịza, ama wa raà mẹ ka ma nyị ọchẹngụ dị ma sị mẹ̀ ịsọvọ.”

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.