Anihiburu 5:5 - IWE ỌNỊNỊ

⁵ Avọọ gẹdẹ-gẹdẹ ọ mẹ̀ rẹ vị yị Ikirisiti nị. Ọ́ yị sị ụbanyị yị ẹngụ anị ka ọnị ọ̀ vị ohirẹsụ ọbanyị irehi Ohomorihi. Ama Ohomorihi ọ́ kà a yọ ka: Ẹwa vị Ozi emi nị, ajịnị mị ma wụ nị.

Anihiburu 5:5 Referans Kwoze

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ịjọọnụ 8:54

Dị Ijeesu ka, “Àa vị ẹmị ụvọta aa sị ụbanyịị yị ẹngụ amị nị, ẹngụ ụbanyị ọnọọ vị ịyẹyẹ. Ada amị aa sị ụbanyịị yị mị nị. Ada amị ọnọọ ụ ka ộ vị Ohomorihi awụ nịnị nị.

Anihiburu 1:5

Ẹ́ yị nyị anggẹẹrị oni Ohomorihi kà a yị da ka, “Ẹwa vị ozi emi nị, ajịnị mị ma wụ nị.” Ohomorihi ọọ̀ yị rẹ kà a yị anggẹẹrị ọnyọọnyị da ka, “ọnị vaa vị Ada anị, dị ọnị ọ rẹ vị ozi anị.”

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Odeyi 13:33

ọ raà mẹ̀ ẹ yị ẹyị ezi ẹnịnị, ini oze ka ọ sị Ijeesu ha hụụnị isu. Avọọ a mẹ̀ chẹrẹ ẹ tụ́ ini iwe ahẹ ụga ụpẹ ọhụva nị ka: ‘Ẹwa vị Ozi emi nị. Ajịnị mị ma wụ nị.’

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 5:10

Ohomorihi ộ nyị ọọ ka ọ̀ vị ohirẹsụ ọbanyị irehi Ohomorihi anka Imerikizẹdẹkị.