Anihiburu 5:13 - IWE ỌNỊNỊ

¹³ Ọza ene èe yii hú ịrẹva, vị vị ozweyi; ọọ̀ yị yẹ eyi ịrẹyị Ohomorihi.

Anihiburu 5:13 Referans Kwoze

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

2 Itimoti 3:16

Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ.

Ayịsaya 28:9

Aza ẹnẹẹ ka, “Ẹnị Ẹnẹyịmavra ro ka yaa vị? Sị ẹ vẹ dị ọ manị kà yị yị? Ẹyị wáá vi ozinụvọ ana ayịị ka aa jị hụụnị ịrẹva aanị nị?

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

1 Anịkọrịntị 3:1

Ẹwụ nịnị ẹyịnyara amị, mẹyị zụ kà ịrẹyịị wụ nịnị, anka m mẹ̀ zụ kà ịrẹyị yị aza ana nyị Ụhwẹ Ọnịnị. Máa kà ịrẹyịị wụ nịnị anka aza kẹnẹ ene hi ịnị ẹhẹ avọọ nị, agụvị ka ozweyi ụ yị vị nịnị ini Ikirisiti nị.

2 Anịkọrịntị 3:9

Oto ọkụkụ ana a sị jị ịvị yị aza, ọ̀ọ vavọọ nyị igirima, dị ụ wa yẹ nịnị ka oto ọwọọwa ana a sị jị ịhị yị aza vị ana nyayịnẹ nyị igirima hu avọọ ẹtẹẹtẹrẹ.

1 Anịkọrịntị 13:11

Ịjị mị vịdị vị ozweyi, ịrẹyị ozweyi mịị̄ rẹẹ kà nị, dị mị sị ịrẹyị ozweyi tụ́ ịnị ayị, di mi reē ro ariro ozweyi nị. Ama ịjị mị sị vịra, dị mị kụ́ ịrẹyị ezweyi kwooze nị.

Ahẹ Ụgama 119:123

Mâ tụra eyi pooro ka wa va dọ mị tụ́, o kú du mi eyi. Mee zi ka ịsa ọnị ụ ka ụ vaa mẹ ana vị ịzẹyịza wa va mẹ̀ ẹ.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Aniroomi 2:20

dị ụ rẹ vị aza ana aa sị ịrẹyọyẹẹ zụ̀ ọnụra nịnị nị; dị ụ raa zụ̀ aza ẹnẹ ẹ̀ yị yẹ ịsa. Ịzẹyịza, wáa nyị ịrẹyọyẹ obooro ọnịrị ịzẹyịza nịnị, agụvị ka wáa nyị ọda ọnọọ nịnị.

2 Ịjọọnụ 1:11

Mị vavọọ aa kà a agụvị ka ọza ana àa kụ́ ọ, ọ sị bẹ tụ́ ịnị ụkọrọ odivi anị.