Anihiburu 5:11 - IWE ỌNỊNỊ

¹¹ Áa nyị ịsa ọrụrụ-ọrụrụ ọnị ị yaanị kà ini oze anị. Ama yẹ yị zụ kà a wụ nịnị, agụvị ka ịrẹyị ọ mā hụra ngụ wụ nịnị ụtọ.

Anihiburu 5:11 Referans Kwoze

Imatiwu 13:15

Agụvị ka ụmatẹsị yà ịnị ayị aza ẹnẹnị. Ẹnịnị ẹ raà sị ịsa kú ụtọ ẹnịnị, di e re kú eyi ẹnịnị oku nị. Agụvị ka ẹ̀ yị vị avọọ, ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ẹ sị yẹ ịnị ayị ẹnịnị, ịjọnọọ dị ẹ sị và ká Ohomorihi vẹ, dị Ohomorihi sị wa mẹ ụkụ.’

2Ipita 3:16

Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị.

Odeyi 28:27

Agụvị ka arịmatẹsị yà ịnị ayị ẹnịnị, ụtọ ẹnịnị o si gu, eyi ẹnịnị o re si gu. Agụvị ka ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ayị ẹnịnị sị ịrẹyị yẹ, dị ẹ zị và ká Ohomorihi vẹ, dị ọ sị wa mẹ ụkụ.”

Ịjọọnụ 16:12

“Mị yaanị yị nyị ịrẹyị ọrụrụ-ọrụrụ ana a vọrọ ka ma kà wụ nịnị; ama wẹ yị kụkụ zụ za a nịnị booro aanị.

Ịjọọnụ 6:6

Ijeesu vị ana vavọọ kà kẹnẹ ka ọnị ọ̀ sị zama Ihwiripi re, agụvị ka ọnị ụvọta ộ yẹ ịsị ọ vaa mẹ.

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Ịmaakị 8:21

Dị Ijeesu ka, “Aanịka wẹẹ̀ yị yị yẹ nịnị?”

Ayịsaya 6:10

Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.

1 Ohinọyị 10:1

Ịnị ụmẹ ọnya, â nyị ohinọyị ọnẹẹ ọnya ana vị ohinọyị tụ́ ẹkụra ana aā hị́ Iseva. Ộ (zị oze ịnị ụvọ Ẹnẹyịmavara) wụ́ ụgụụgụ Isoromọnị. Dị ọ vẹ ka ọnị ọ̀ sị ụhịrẹyị zama Isoromọnị re nị.

Anihiburu 5:10

Ohomorihi ộ nyị ọọ ka ọ̀ vị ohirẹsụ ọbanyị irehi Ohomorihi anka Imerikizẹdẹkị.

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.