Anihiburu 5:1 - IWE ỌNỊNỊ

¹ Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.

Anihiburu 5:1 Referans Kwoze

Anihiburu 8:3

Avaba ohirẹsụ ọbanyị irehi Ohomorihi vị ana a nyị ka ẹẹ sị ẹyịza yị Ohomorihi dị ẹ̀ rẹẹ mẹ ịsọvọọ hi ọọ. Agụvị avọọ áa nyị ka ẹ́ẹyị ọnị ọ̀ rẹ nyị ịsa ana aa sịị mẹ̀ ịsọvọ.

Anihiburu 10:11

Avaba ohirẹsụ irehi Ohomorihi vị anaā jẹẹ, dị aa mẹ̀ ụkọrọ anị eyinị-eyinị, dị aa mẹ̀ ịsọvọ ọnyọọnya ụpọsa-ụpọsa. Ama ịsọvọ ẹnẹẹ ẹ yị zụ sị ịvị aza kwooze vụrụ-vụrụ.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 9:9

Ịsa ịyẹẹyẹ ẹnẹẹ vị ana jẹẹ yị ịsa ọyaanị ọnọnị. Ọnị ọ vị ka ẹyịza ana aza sị va yị Ohomorihi, ọnịrị uye ẹnẹ ẹyaa wụụ mẹ ịsọvọọ hi ọọ, ẹyị zụ mẹ ka ayị aza ana aa mẹ̀ ịsa ẹnẹẹ, ẹ̀ gụ saka-saka éyi Ohomorihi.

Anihiburu 7:27

Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Ireevi 9:7

Dị Imosiisi kà a yị Eerọnị ka, ọ̀ nọ ịzị ụta ya, dị ọ̀ na mẹ̀ ịsọvọ ịvị ọnịrị ịsọvọ ana aā rị ịra ọ̀ yị sị ịvị anị ọnịrị ịvị anineehi ana vọ kwooze, ọ ka ọ̀ na mẹ̀ ịsọvọ ọnọnị yị aza ẹnẹnị, dị à sị ịvị ẹnịnị kwooze; Anaka Ẹnẹyịmavara mẹ kà a.

Ireevi 8:2

Ọ̀ kụ́ Eerọnị ọnịrị ezi anị vẹ enoze ajẹngụ anị; dị ọ̀ kụ́ ẹnya ohirẹsụ irehi Ohomorihi, angwẹ ene e siī sisi ọza ịrẹsụ ọnịrị ụnọ ana aa sịị mẹ̀ ịsọvọ agụvị ebira odivi aza vaka wa vẹ, ọ ka Imosiisi ọ̀ rẹ kụ́ ịdẹba ẹẹva ọnịrị uji ana a kụ́ ịbụrẹdị ọnị ọza ẹ̀ yị sị owu tụ vẹ.

Aniroomi 15:17

Agụvị ka ẹmịrị Ikirisiti ọ sị vị ọnya, ma nyẹngụ aa sịị mẹ ụbanyị ka mị vavọọ aa hẹkẹ Ohomorihi.

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

Anihiburu 8:4

Àa vị ẹhẹ ọ yà nị, ọ yị yaanị zụ vị ohirẹsụ irehi Ohomorihi, agụvị ka áa nyị aza ana sị vị ohirẹsụ irehi Ohomorihi da, ana aa mẹ̀ ịsọvọ, anka Ímosiisi mẹ̀ mẹ ọda.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.