Anihiburu 4:9 - IWE ỌNỊNỊ

⁹ Ọnọọ ọ́ọ sị zụ̀ ka a nyị nyị ụhwọtụ ana aza Ohomorihi va naa tụ́.

Anihiburu 4:9 Referans Kwoze

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Anihiburu 4:3

Ẹyị ana sị ayị tụra Ijeesu, ọ ngụ ịzị ọ yà naa tụ́ ụhwọ́ nị. Ama ẹnị vị ọnị ọ́ kà a yị ka: Ayị ọ́ kụ́ ọnị, dị ọnị hị́ eku ka ẹnịnị ẹ yị vaa ngụ ịdị anị vaa tụ́ ụhwọ́ nị. Dị ọ maanị yị kà, ọ sị ụkọrọ anị mẹ ta hụrị ụmọrụmọ, ọ mẹ̀ hụrẹ mẹ ẹhẹ.

Anihiburu 4:1

Ohomorihi ka ẹ́ yị zụ nyị ka ẹyị ẹ́ yị rẹ vaa ngụ ịzị ọnị yà, dị ya na tụ́ ụhwọ́. Agụvị avọọ à vẹ ya nyị angwahi, agụvị asị a na nyị ọza ịnya ịnị awụ nịnị ana ahịka ọ rẹ va zụ ngụ ịzọọ.

Anihiburu 11:25

Ọ vana dọ ka ọnịrị aza Ohomorihi è duduu rị ụya, àa sị ka ọnị ọ va naa rị ẹhẹ chee, dị ọ̀ mẹ ịvị.

Anihiburu 3:11

Dị ayị kụ́ ọnị, dị ọnị hị́ eku ka ẹ yị vaa ngụ ịdị anịị tụ́ ụhwọ́ paa nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Ayịsaya 57:2

Aza ana ra ẹhẹ ọyịza vị ana na tụ́ ụhwọ́, dị ẹẹ yà ịnị ẹngwọọrọ.

Ahẹ Ụgama 47:9

Ohinọyị anẹkụra nịnị ẹ raà kụ́ gụ na vaka aza Ohomorihi Abụrahamị Ohomorihi ộ nyị ụkata hu avaba aza ana kụ́ gụ ọnị ọ nyị ụbanyị hu keekere nị.

Anihiburu 4:8

Ijosuwa ọ̀ọ vịdị yaanị raà kụ́ ohiku ayị nịnị na ngụ ịnị ịzị Ohomorihi yà ka ẹ̀ẹ tụ́ ụhwọ́, Ohomorihi ọ́ yị kụkụ yaanị aa kà ịrẹyị ẹkụhị ọsa.

Anihiburu 4:10

Ọza ana àa sị ngụ ịzị Ohomorihi yà dị aa tụ́ ụhwọ́ nị, ọ vaa tụ́ ụhwọ́ ịnị ụkọrọ anị, anka Ohomorihi ọnị mẹ̀ rẹ tụ́ ụhwọ́ ịnị ụkọrọ anị ịnị ẹkụhị ọhụhịmba.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”

Ọyịkụra 16:30

Ịzẹyịza dị aza ẹnẹẹ aa tụ́ ụhwọ ịnị ịhị ọ tụ́ ọ ẹkụhị ịhịmba nị.