Anihiburu 4:3 - IWE ỌNỊNỊ

³ Ẹyị ana sị ayị tụra Ijeesu, ọ ngụ ịzị ọ yà naa tụ́ ụhwọ́ nị. Ama ẹnị vị ọnị ọ́ kà a yị ka: Ayị ọ́ kụ́ ọnị, dị ọnị hị́ eku ka ẹnịnị ẹ yị vaa ngụ ịdị anị vaa tụ́ ụhwọ́ nị. Dị ọ maanị yị kà, ọ sị ụkọrọ anị mẹ ta hụrị ụmọrụmọ, ọ mẹ̀ hụrẹ mẹ ẹhẹ.

Anihiburu 4:3 Referans Kwoze

Ahẹ Ụgama 95:11

Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Oyinyima 1:31

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Anihiburu 3:11

Dị ayị kụ́ ọnị, dị ọnị hị́ eku ka ẹ yị vaa ngụ ịdị anịị tụ́ ụhwọ́ paa nị.

Imatiwu 13:35

Ộ maanị mẹ, agụvị ịrẹyị ọnị ọnịsẹ vịdị kà, ọ̀ zụ sẹ ka, “Màa kà ịrẹyị yị wa, ụhịrẹyị mị vaa sị kà a nị. Mị vaa kà a yị wa ịsa ana tẹ yị aza, a mẹ̀ hụrẹ mẹ ẹhẹ.”

Ayịsaya 28:12

Ohomorihi ọ raà kà yị aza anị ka, “Ịzẹnị ọ vị aha ụhwọtụ nị. Ọza ọnị ọ̀ọ sị ngụ ẹngụ ọ vẹ ịzẹnị va tụ ụhwọ. Aha ūhwọtụ obooro yị.” Ama ẹnịnị ẹ yị zẹẹ ka ẹnị wụ́.

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ezikẹẹrị 20:38

Avaba aza anaā kụ̀ụ hịrẹ ọnị, dị ẹẹ̄ mẹ̀ ebira odivi-odivi vị ọnị ọnị vaa tọ̀ọ kwooze, ọnị vaa kụ waa hụrị ẹtẹ ẹnẹ ẹ́ ra booro aanị, ama ọnị ẹ́ yị vaa zẹẹ ka ẹnịnị ẹ̀ vavẹ ẹtẹ Isirẹrị. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.