Anihiburu 4:15 - IWE ỌNỊNỊ

¹⁵ Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Anihiburu 4:15 Referans Kwoze

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 4:14

Yaa nyị ọza ịnya ana yà anka ohirẹsụ ọbanyị irehi Ohomorihi avọọ. Ọza ọnọọ ọ vị Ijeesu Ozi Ohomorihi ana zị nọ ẹbẹẹba nị. Agụvị avọọ, à vẹ ya sị ụvọ za ịsa ọnị ka yaa dọ wụ́ geri-geri.

Anihiburu 5:2

Ọnị ụvọta ọnị ọ rẹ zụ nyeeyi ini oze ọrụrụ-ọrụrụ, agụvị avọọ o zụ roo yị aza ẹnẹ ẹ̀ yị yẹ, ọnịrị aza ene ee nyeeyi.

Ịjọọnụ 8:46

Ẹnẹ zụ sị zụ̀ ịnị awụ nịnị ka mâ mẹ ịvị da? Ịrẹyị ẹnẹ ẹmị aa kà vị ịzẹyịza, sị ẹ vavẹ dị ụ wẹ̀ yị dọ mị wụ́ nịnị?

Ayịsaya 53:9

Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị.

Iruuku 22:28

“Wá raa jẹẹ pe mi nịnị pooro ịnị avaba ẹzamare amị nịnị.

Iruuku 4:2

Ịzọọ Échu na yà zama a re mẹ ẹkụhị ẹbẹẹva nị. Ịnị avaba ụmẹ ọnọọ, ẹ yị nyị ịsị Ijeesu rị. Ịjị ẹkụhị ẹbẹẹva sị gụ, dị ụngwẹ aa kụ̀ ọ nị.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ọyịkụra 23:9

Asị ụ na mẹ ehuna yị ọzọga. Ẹwụ nịnị ụvọta ộ yẹ ịsị ọzọgaā hụraa ro agụvị ka wâ vịdị vị ọzọga tụ́ Ijipiti nịnị da.

Imatiwu 12:20

Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Imatiwu 4:1

Ịjọnọọ dị Ụhwẹ Ọnịnị sị Ijeesu hịrẹ nọ ịnị ụnọmị ka Echu ọ̀ na zama a re nị.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.