Anihiburu 4:11 - IWE ỌNỊNỊ

¹¹ Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

Anihiburu 4:11 Referans Kwoze

Anihiburu 3:18

Ene Ohomorihi rẹ hị́ eku ka ẹ yị vaa ngụ ịdị anị vaa tụ́? Aza ẹnẹ ẹ̀ yị rẹ sị ayị tụraa yọ nị.

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Anikorasi 3:6

Agụvị avaba ịsa edivi ẹnẹnị Óhomorihi aa sịị kụ́ ayịị hi aza ẹnẹ ẹ̀yị mā wụ́ ịrẹyị anị nị.

Odeyi 26:19

“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba.

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 7:13

“Zị oze dẹẹrẹ ọnọọ ngụ eehi nịnị! Agụvị ka oze ana na ngụ ịzị aza yàā vu ẹtẹ, ộ gana, oze anị aa ba mị ba mị aanị. Aza ana zị oze avọọ ệ rụrụ ẹtẹẹtẹrẹ.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Anihiburu 4:6

Yáa yẹ ka aa yị nyị aza ẹnyị ana vaa ngụ ịzọọ. Ye re ree ka aza ẹnẹẹ ana a vịdị kà enube ọyịza ọnọnịị yị, ẹnịnị ẹ yị dọ ọ wụ́, agụvị avọọ ẹnịnị ẹ yị zụ ngụ ịzọọ.

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Ijosuwa 7:3

Ịjị anọrụ ẹnẹẹ varẹma vẹ tu Ijosuwa dị ẹ ka ẹkụra ẹ yị nyị ọ ya. Ẹ yị nyị ka avaba isoja ẹ na gẹ wa ịrẹkụ. Dị ẹ ka Ijosuwa ọ tụ́ ẹhụ aza ẹnị akawụ avị akawụrakahị na pe wa zyaazị nị. Aza chee kẹnẹ anẹkụra ọnọọ vị nị.