Anihiburu 3:7 - IWE ỌNỊNỊ

⁷ Ụhwẹ Ọnịnị ọ́ọ kà a ka: Ajịnị, wàa wụ́ ọngwẹ Ohomorihi nịnị,

Anihiburu 3:7 Referans Kwoze

Anihiburu 3:15

 maanị kà a tụ́ ini Iwe Ohomorihi ka: Ajịnị, wàa wụ́ ọngwẹ Ohomorihi nịnị, asị ụ na mẹ ayọkatẹngụ nịnị, anka ohiku awụ nịnị mẹ̀ mẹ ịnị ụmẹ ẹnẹ ẹ sị mẹ akamawụ hi Ohomorihi.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Anihiburu 4:7

Ịjị ịrayị ọrụrụ-ọrụrụ rẹ sị mẹ para hu, Ohomorihi ọ rẹ nyị ẹkụhị ọsa tịtẹ ọnị ọ hị́ ajịnị, ọ mẹ̀ zị oze ịnị ụvọ Idevidi tenyi ịrẹyị ọnọọ kà ka: Ajịnị, wàa wụ́ ọngwẹ anị nịnị, asị ụ na mẹ ayọkatẹngụ nịnị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ahẹ Ụgama 81:13

Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,

Anihiburu 3:13

Agụvị asị a nyị ọza ene vene ịvị na mẹ ka ayị anị ọ̀ katẹngụ, wee hú ẹngụ ụvọ nịnị eyinị-eyinị m màa yịị kà a ajịnị aanị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Ahẹ Ụgama 81:11

Di Ohomorihi rẹ ka Ama aza amị ẹ yị zẹẹ ka ẹnị ẹ̀ wụ́ ịrẹyị amị, ẹnịnị ẹ yị zẹẹ ka ẹnị ẹ̀ dọ mị tụ́ ịzọọ.

Ịjọọnụ 10:3

Ẹngụ ọza ọnọọ, ọza ene ee sere oze vaa na oze yọ. Atẹmẹ nịnị vaa wụ́ ọngwẹ anị, ọ màa hị́ wa ịrẹha, dị aa kụ́ waa nọ ẹhẹ.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Ayịsaya 55:6

Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ.

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

2 Ịsamụwẹrị 23:2

Ọ kà; ụhwẹ Ohomorihi aa sị mị kà ịrẹyị. Ịrẹyị anị yà ịnị irenu amị.

Anihiburu 9:8

Ụhwẹ Ọnịnị aa sị ịsa ẹnẹnị sịị zụ̀ yị ka, éyi ẹhẹ ajẹngụ mẹ̀ yị yà ịzọọ, ọza o yi re oze na ngụ Aha Ọnịnị keekere.

Imatiwu 22:43

Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka:

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Odeyi 28:25

Ẹnịnị ê pe ẹngụ nyị ahankata. Dị Ịpọọrụ kà ịrẹyị ọnya, di e si hu aa na nị. Ịpọọrụ ka, “Ịrẹyị ọnị Ụhwẹ Ọnịnị mẹ ka Ayịsaya ọ̀ kà yị ada awụ nịnị, ộ da gẹẹ kẹnẹ.” Ọ kà,

Ịmaakị 12:36

Idevidi ọnị nyẹmba ộ sị ụkata Ụhwẹ Ọnịnị kà a ka: ‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi!’

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Odeyi 8:29

Dị Ụhwẹ Ọnịnị kà a yị Ihwiripi ka ò tere pe ịkẹkẹ ọnọọ, dị ọnị rị ọọ ẹ̀ẹ na nị.

Anihiburu 10:15

Ụhwẹ Ọnịnị ọ rẹ dọ ivenu tụ́ ịnị ịrẹyị ọnọnị. Ịpaapa ọọ kà a ka Ananyị yị ka: