Anihiburu 2:9 - IWE ỌNỊNỊ

⁹ Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

Anihiburu 2:9 Referans Kwoze

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Aniroomi 5:18

Ye si oo re ka agụvị ka ọza ịnyara ộ mẹ̀ ịvị, ọ mẹ̀ ka avaba aza ẹ̀ rị ịvị nị. Avọọ gẹdẹ-gẹdẹ ọ́za ịnya ana mẹ ịzẹyịza mẹ̀ rẹ mẹ ka Ohomorihi ọ̀ jị ịhị yị avaba aza, dị ẹ̀ yàra ị́dị anị pooro zịna-zịna nị.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

2 Anịkọrịntị 5:15

Ô sú yị avaba aza agụvị aza ana yára asị ahịka ịsị e zé wa eyi kẹnẹ, ẹyaa mẹ nị. Ama â vọrọ ka ẹ̀ẹ mẹ ịsị e zé ọza ene sú yị wa eyi, dị Ohomorihi rẹ ha a hụụnị isu.

Anihiburu 10:5

Agụvị avọọ Íkirisiti màa vaa vẹ ẹhẹ, ọ́ọ kà a yị Ohomorihi ka, “Wẹ yị sì ịsọvọ ọnịrị ẹyịza, ama wa raà mẹ ka ma nyị ọchẹngụ dị ma sị mẹ̀ ịsọvọ.”

Aniroomi 5:8

Ama Ohomorihi ọnị ộ sị zụ ka oni ô sì ịrẹyị ayị ẹtẹẹtẹrẹ. Ẹ́yị mẹ̀ yị daka vị ọnịvị, dị Ikirisiti ve sú yị ẹyị nị.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

Anihiburu 8:3

Avaba ohirẹsụ ọbanyị irehi Ohomorihi vị ana a nyị ka ẹẹ sị ẹyịza yị Ohomorihi dị ẹ̀ rẹẹ mẹ ịsọvọọ hi ọọ. Agụvị avọọ áa nyị ka ẹ́ẹyị ọnị ọ̀ rẹ nyị ịsa ana aa sịị mẹ̀ ịsọvọ.

1 Itimoti 2:6

Ijeesu ọnọọ ọ sị ẹngụ anị yị avaba aza, dị ọ hị́ wa varẹma nị. Ini oze avọọ, ịnị ụmẹ ana vọrọ, Ohomorihi ộ sị zụ̀ ka oni ee sì ka ọnị ọ̀ dọ avaba aza há.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Ịjọọnụ 10:17

Ada amị ô sì ịrẹyị amị, agụvị ka ẹmị ụvọta ọ navọ ụhwẹ amị tịtẹ nị, ka ma rẹ varẹma sị ọọ.

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Ẹtore 19:12

Eyi anị vị ana sị mẹẹ anka ịrarẹ ịra avọọ. Ọkẹkẹrẹkụ ọrụrụ-ọrụrụ hi ịnị ịrẹsụ anị. Ộ nyị ịrẹha ọnya aanị ana a chẹrẹ tụ́ ọ ẹngụ. Ẹ yị nyị ọza ẹnẹsa ana yẹ ẹ, ẹ̀ yị rẹ vị ọnịnya kẹnẹ.

Anihiburu 2:7

Wáa mẹ ka ò weyi huna anggẹẹrị nịnị chee. Wáa sị ụbanyị ohinọyị, wáa sị yọ.

Iruuku 9:27

Ịzẹyịza, m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ịjọva.”

Ịmaakị 9:1

Ijeesu ộ kà a yị wa ka, “Ịzẹyịza, m maa kà a yị wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ohinọyị anịị beri ụkata.”

Imatiwu 6:28

Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ịjọọnụ 8:51

Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Anihiburu 1:9

Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

Anihiburu 11:5

Enọkị ọnị ọ rẹ sị ayị tụra Ohomorihi. Agụvị avọọ Óhomorihi sị sị ọọ nọ ẹbẹẹba ireyi-ireyi, dị ò yi sú nị. Ọza o yi kuku re e, agụvị ka Ohomorihi ọ raà sị. Dị a va sị ọọ nọ ẹbẹẹba, â vịdị dọ ivenu tụ́ ọọ ka ebira anị ô zé Ohomorihi eyi.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.