Anihiburu 2:2 - IWE ỌNỊNỊ

² Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì.

Anihiburu 2:2 Referans Kwoze

Odeyi 7:53

Ẹwụ nịnị anggẹẹrị sị ọda Ohomorihi va yị nị, ama wẹ yị saasa ọda ọnọọ nịnị.”

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Anihiburu 10:28

Ọza ana àa jịnẹ ọda Imosiisi, dị onivenu gụ ẹẹta, àa vị ẹẹva, ene ree nị, vị aa wụ ọọ nị, ọza ọ yị sị vayị anị.

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.

Iwe Ọhụhị Imosiisi ana aa hị́ Ọyịvatụrọda 27:26

O yi vee ze yị ọza tụra ọza ẹnẹ ẹ yị mẹ avaba ịsị ọda Ohomorihi kà. Dị avaba aza ọ̀ ha aamị!

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Anihiburu 10:35

Agụvị avọọ, asị ụ hụrẹ ọtụtụrụma ọnị ụ nyị nịnị ụvọ, agụvị ka ọ́ọ nyị ọgụ ẹtẹẹtẹrẹ!

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Iwe Ọhụhị Imosiisi ana aa hị́ Ọyịvatụrọda 17:5

a sị ọ jịnẹ nọ ịrẹma ẹkụra, dị a sị ịrẹta-ịrẹta wụ̀ ọ.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Iwe Ọhụhị Imosiisi ana aa hị́ Ọyịvatụrọda 17:2

Wàa wụ́ ka a nyị ọnọrụ a vị ọnẹẹ ọnya ịnị ọnya ịnị ẹkụra awụ nịnị ana aa mẹ akamawụ hi Ẹnẹyịmavara, dị ọ sị ahụ jịnẹ ọkatịtẹ Ohomorihi

Ịrịka 25:9

Ama avaba aza ọnị ụkụ odivi ọnọọ wụ̀ va ha vị aza akahị oze ohurẹẹna.

Ịrịka 21:6

Ebira ẹnịnị, dị Ẹnẹyịmavara kụ́ ẹ́wụ́ odivi hi wa ẹhẹ, dị ẹ yaa da wa rị, dị ọrụrụ-ọrụrụ ẹnịnị ee su nị.

Ịrịka 16:49

Ịrẹma aza ene su beri Ikora, aza ọnị ụkụ akwoosu wụ̀ va ha vị aza ẹnị akawụ-akawụ oze ịhịmba tụra akatarẹchẹhị (14,700)

Ịrịka 11:33

Ama ẹnịnị mẹ da tụ irenu kẹnẹ ka ẹnị ẹ rị ọ, dị ayị Ẹnẹyịmavara du hi wa, dị ộ tụ ụkụ ka ọ za wa nị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

2Ipita 1:19

Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.