Anihiburu 2:17 - IWE ỌNỊNỊ

¹⁷ Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 2:17 Referans Kwoze

Anihiburu 4:14

Yaa nyị ọza ịnya ana yà anka ohirẹsụ ọbanyị irehi Ohomorihi avọọ. Ọza ọnọọ ọ vị Ijeesu Ozi Ohomorihi ana zị nọ ẹbẹẹba nị. Agụvị avọọ, à vẹ ya sị ụvọ za ịsa ọnị ka yaa dọ wụ́ geri-geri.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Anihiburu 3:5

Imosiisi ộ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi. Ama ozi ahụ kẹnẹ ọ vị nị. Ộ sị zụ̀ ịsị Ohomorihi vaa kà ị́rẹma ụhwọọ.

Anikorasi 1:21

Ịyẹẹyẹ ọnịvị Ohomorihi ụ vịdị vị nịnị, di u noze rịrị ọ nịnị agụvị ariro odivi ọnịrị ebira odivi ọnị ụ waa mẹ nịnị nị.

Anihiburu 7:28

Ọda Imosiisi ộ nyị aza ẹnẹ ẹ̀ yị gụ ka ẹ vị ohirẹsụ ọbanyị irehi Ohomorihi. Ama oto oni Ohomorihi wo, ọ tụra ọda vẹ nị. Ọnị ọ nyị Ozi Ohomorihi ana a mẹ ka ọ gụ pooro zịna-zịna nị.

Anẹhwẹsọsị 2:16

Ọnịvị Ohomorihi ẹ vịdị vị nị, ama Ijeesu ọ raà mẹ ka ẹnị ẹyịva ẹ̀ vabẹ, dị ẹnịrị Ohomorihi è kuku ze booro aanị ini oze isu oni o sú ị́rẹsụ ọchị apavahị. Ini oze avọọ ọ zị mẹ ka asị ẹnịrị Ohomorihi kụkụ vị ọnịvị ẹngụ nị.

Aniroomi 15:17

Agụvị ka ẹmịrị Ikirisiti ọ sị vị ọnya, ma nyẹngụ aa sịị mẹ ụbanyị ka mị vavọọ aa hẹkẹ Ohomorihi.

Ireevi 8:15

Imosiisi ộ wụ ụnọ ọnọọ, dị ọ ka anị nị, ộ jị igege ngụ ọnọọ, dị ọ sị dá ọpanyị ụta ọnọọ ịnị ọgọgọ ẹyịna, ọnị ọ̀ sị sị ọtirenyi nị. Ộ sị ọnọọ ana vọ, dị ọ́ và a hi iruvo ụta ọnọọ nị. Aanị ọ́ mẹmẹ sị ụta ọnọọ tụ irenyi yị Ẹnẹyịmavara, dị ọ vara a ọnịnị nị.

Anihiburu 3:2

Ộ nyị ịzẹyịza hi Ohomorihi ana nyị ọ ka ọ̀ va mẹ̀ ụkọrọ yị ọnị, anka Imosiisi ọnị mẹ̀ rẹ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi.

Ezikẹẹrị 45:20

Ịhị ẹ tụ ọ ẹkụhị ịhịmba ịnị ụhwẹ ọnọọ, dị ụ rẹ vavọọ mẹẹ agụvị ọza ene èe nyeeyi mẹ̀ ebira odivi. Wàa maanị mẹ ọsọnị, ụ vaa mẹ ka irehi Ohomorihi ọ vị ọnịnị.

Ezikẹẹrị 45:17

Ọza ana vị ọdọvịdị ẹkụra ọ kụkụ vaa sị ịsụpa anaa sị vaa yị Ẹnẹyịmavara dị a rị avaba anị ịra, ọnịrị ịsọyịrị beri eche, dị à sị mẹ̀ ịsọvọ yị avaba ẹkụra àaa rị eche ụhwẹ ọwọọwa, ẹkụhị ụhwọtụ ọnịrị àaa rị avaba eche ana vọ nị. Ọnị ọ vaa sị ịsaa vẹ ana a vaa sị mẹ̀ ịsọvọ agụvị ebira odivi ana aza mẹ̀ nị. Ọnị ọ vaa sị ịsaa vẹ ana á rẹ vaa sị mẹ̀ ịsọvọ ịsọyịrị, ịsụpa ana a vaa rị avaba anị ịra ọnịrị ịsọvọ ana a sịị mẹ uzee, agụvị dị a sị vagu ebira odivi ọnị avaba Anisirẹrị nịnị mẹ nị.

Ezikẹẹrị 45:15

Ịnị avaba ẹtẹ Isirẹrị, ẹnịnị vaa zá ịsụpa ẹnịnị ịrẹka-ịrẹka, dị ẹ sị ikonyi-ikonya hụụnị anị va wụ nịnị. Ẹnẹyịmavara kà, ịsa ẹnẹnị vị ana á vaa sị mẹ̀ ịsọvọ ịsọyịrị ọnịrị ịsọvọ ịsụpa anaa rị ịra beri ịsọvọ ẹngwọọrọ hi ọnị, agụvị dị ọnị vagu ebira odivi ọnị ụ mẹ nịnị.

Ayịsaya 11:5

Ohinọyị ọnọọ vị ana vaa mẹ ịzẹyịza ọnịrị ebira ana vọrọ. Ọ raà sị ebira ẹnẹẹ tenyi ẹngụ ka oni ee pè ọnịvị anịị vụ̀ ịrẹvụ.

2 Ịtọpa 29:24

Ohirẹsụ irehi Ohomorihi nịnị ệ wụ̀ wa, dị sị anị mẹ̀ ịsọvọ ịrẹsụ ụta ka ọ sị ịvị avaba Anisirẹrị nịnị kwooze. Ihezekaya vị ana mẹ ọda ka a mẹ̀ ịsọvọ ọnọnị yị avaba Anisirẹrị.

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ireevi 14:18

Ohirẹsụ irehi Ohomorihi ọnọnị vaa và angwẹ ana vọ tụ ịnị ụvọta anịị hi ọza ana nyị ka à nyịna ịdọtị anị aanịị ịrẹsụ. Aanị a mẹ vaa mẹ avaba ido ẹnẹnị, dị à vaa kà a ka ụkụ ọza ọnọnị ọ́ọ tá nị.

Ireevi 16:16

Aanị ọ́ mẹ vaa mẹẹ mẹ̀ ịsa vọrọ ka à mẹ dị à sị nyịna ịdọtị Anisirẹrị nịnị ọnịrị ịdọtị ịvị ẹnịnị hụrị aha ọnịnị ene hu aanị nị. Aanị ọ mẹ vaa mẹ ajẹngụ Ohomorihi nị, agụvị ka ịnị akakana udi ẹnẹ ẹ̀ yị nị á dà a tụ nị.

Ịrịka 15:25

Dị ohirẹsụ irehi Ẹnẹyịmavara sị ịsa ịsọvọ ẹnẹnị da ịpẹ ịvị ịragụ Anisirẹrị nịnị, dị Ẹnẹyịmavara ọ vagu wa agụvị ka ẹnịnị ẹ yị yẹ. Dị ọ nị wa agụvị ịsa ịsọvọ ana a rị ịra ọnịrị ịsọvọ ịvị ẹnịnị.

Anihiburu 2:16

Yáa yẹ ka ayị vị anggẹẹrị nịnị ọ sị ịrẹyị anị tụ́ ịnị ayị. Ama ezi Abụrahamị ọ sị ịrẹyị anị tụ́ ịnị ayị nị.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Anihiburu 5:1

Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.

Anihiburu 5:2

Ọnị ụvọta ọnị ọ rẹ zụ nyeeyi ini oze ọrụrụ-ọrụrụ, agụvị avọọ o zụ roo yị aza ẹnẹ ẹ̀ yị yẹ, ọnịrị aza ene ee nyeeyi.

Anihiburu 5:5

Avọọ gẹdẹ-gẹdẹ ọ mẹ̀ rẹ vị yị Ikirisiti nị. Ọ́ yị sị ụbanyị yị ẹngụ anị ka ọnị ọ̀ vị ohirẹsụ ọbanyị irehi Ohomorihi. Ama Ohomorihi ọ́ kà a yọ ka: Ẹwa vị Ozi emi nị, ajịnị mị ma wụ nị.

Anihiburu 5:10

Ohomorihi ộ nyị ọọ ka ọ̀ vị ohirẹsụ ọbanyị irehi Ohomorihi anka Imerikizẹdẹkị.

Anihiburu 6:20

Ijeesu ọ raà dọ ọvịdị na ngụ ịzọọ agụvị ayị, agụvị ka ọ sị vara ohirẹsụ ọbanyị irehi Ohomorihi pooro zịna-zịna anka Imerikizẹdẹkị.

Anihiburu 8:1

Avaba ịsa ọnị yaa kà ịrẹyị anị yị: Yáa nyị ohirẹsụ ọbanyị irehi Ohomorihi ọnya, ana yaayịtẹ éyi ụvọrị aga ohinọyị, ana nyị avaba ụbanyị ẹ́bẹẹba.

Anihiburu 8:3

Avaba ohirẹsụ ọbanyị irehi Ohomorihi vị ana a nyị ka ẹẹ sị ẹyịza yị Ohomorihi dị ẹ̀ rẹẹ mẹ ịsọvọọ hi ọọ. Agụvị avọọ áa nyị ka ẹ́ẹyị ọnị ọ̀ rẹ nyị ịsa ana aa sịị mẹ̀ ịsọvọ.

Anihiburu 9:11

Ama Ikirisiti ọ zị vẹ booro aanị. Ọnị ọ vị ohirẹsụ ọbanyị irehi Ohomorihi ana aa sị ịsa ozozaa vẹ nị. Ọnị ộ mẹ̀ ụkọrọ anị ịnị ajẹngụ ana banyị hu, di o re zoza hu. Ẹ yị vị aza ẹ mẹ ịzọọ, ọ yị hyakụ yà ịnị ẹhẹ ọnọnị.

Anihiburu 10:21

Yáa nyị ohirẹsụ ọbanyị irehi Ohomorihi ọnya ana sị eyi pe aneehi Ohomorihi.