Anihiburu 13:7 - IWE ỌNỊNỊ

⁷ Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

Anihiburu 13:7 Referans Kwoze

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

Anihwiripi 3:17

Ẹwụ nịnị ẹyịnyara amị, wa yịị hama mị nịnị. Sị eyi pe aza ana aa hama yị nịnị, agụvị ka ahụ ayị éyee sii hi ẹtẹ nị.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

1 Anịtẹsaronika 1:6

Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

1 Itimoti 3:5

Ọza ẹnẹ ẹ̀yị zụ sị ụvọ za irehi anị ẹtẹẹrẹ, ọ mẹmẹ va zụụ sị ụvọọ za ịragụ Ohomorihi?

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịkọrịntị 4:16

Agụvị avọọ, maa dá ịpẹẹ wụ nịnị ka waa sị ahụ amịị hi ẹtẹ nịnị.

Aniroomi 10:17

Enube Ikirisiti ọyịkà ọọ̄ mẹ̀ ka aza ẹ̀ wụ́ ọọ nị. Ye si oo re aanị ka enube ọyịza ọyịwụ ọ rẹẹ̄ mẹ ka aza ẹ̀ sị ayị tụra Ijeesu nị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Ahẹ Isoromọnị 1:8

Ẹwụ ọnẹẹ ana maanị zoza aanị, wẹ̀ yị yẹ́, vatụra oze ọnị ịsụpa nịnị aa zị dị wa kụ ezi ẹvụ awụ na rị akaha ajẹngụ oseratẹmẹ nịnị kẹ.

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

2 Anịtẹsaronika 3:9

Ayị vị agụvị ka ye yi re oze họ̀ use ka waa sị ịsaa yị nịnị, ị́ vavọọ aa sịị mẹ. Ama yâ vavọọ mẹ ka wa zụ ree, dị waa hama yị nịnị.

1 Anịkọrịntị 11:1

Waa hama mị nịnị, anka m màa hama Ikirisiti.

Iruuku 12:42

Dị Ananyị yị, tụ́ ohi, dị ọ ka, “Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Iruuku 8:11

Di Ijeesu ka, “Iruvo ụhịrẹyị ọnọọ yị: Ịsa ọyịna ọnọọ vị ịrẹyị Ohomorihi

2 Anịtẹsaronika 3:7

Ẹwụ nịnị ụvọta ọ́ọ yẹ, a mẹ̀ vọrọ ka waa hama yị nịnị. Yẹ yị nyị uworo, ị mẹ̀ yà ịdị awụ nịnị.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Iruuku 5:1

Ẹkụhị ọnya, Ijeesu ộ jẹẹ ụtọ Irehu Igenesarẹtị, dị aza aa hanaa ngụ nee tù ọ ka ẹnị ẹ̀ na wụ́ ịrẹyị Ohomorihi nị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.