Anihiburu 13:6 - IWE ỌNỊNỊ

⁶ Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Anihiburu 13:6 Referans Kwoze

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Ahẹ Ụgama 124:8

Ẹnẹyịmavara aa gụ yị ụvọ nị. Ọnị ọ mẹ ihinẹba ọnịrị ẹtẹ.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Ahẹ Ụgama 56:4

Mâ sị ụbanyị yị ịrẹyị awụ, Ohomorihi Ọnị mị sị ayị tụra nị, angwa o yi vee hi mị agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ahẹ Ụgama 54:4

Mâ yẹ kaakara ka Ohomorihi aa gụ mị ụvọ nị Ọnị Ẹnẹyịmavara ọ sị ụvọ za mị nị.

Ahẹ Ụgama 33:20

Ẹnẹyịmavara, o, ẹ yaa sị ayị tụra ọnị Ọnị ọ gụ yị ụvọ ịnị avaba ụmẹ ọnị ịnya ọ vị ogonto ayị nị.

Ahẹ Ụgama 63:7

Ẹwaa gụ mị ụvọ pooro nị ịzị ụ sị mị tẹ tụ́ vị ọnị mị yà ịzọọ dị maa jị ahẹ.

Ahẹ Ụgama 94:17

À yị vị Ẹnẹyịmavara ana aa gụ mị ụvọ, mị yaanị wusu dà.

Ahẹ Ụgama 40:17

Ịzẹyịza onosiye mị vị nị, ẹ yị nyị ịsị mị nyị, navọ asị u hi ayị amị Ẹnẹyịmavara Ohomorihi amị, ẹwaa gụ mị ụvọ dị waa dọ mịị tụ́ nọ navọ kwogwo we jintu va gụ mị ụvọ.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Anẹhwẹsọsị 3:12

Agụvị ka ẹyịrị ọ ọ sị vị ọnya, dị ị rẹ sị ayị tụra a nị, ya kụkụ nyị ọtụtụrụma, ye re re oze kà pe Ohomorihi. Ẹ yị nyị ịsị ee chire yi angwa.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ahẹ Ụgama 27:9

Aarịhịnị, navọ asị ụ sị ẹngụ tẹẹ mị Navọ asị ụ sị ọyịkụ dụ mị hụụ ịdị awụ Mâ yẹ ka ẹwaā gụ mị ụvọ nị, navọ asị ụ hụrẹ mị ụvọ tịtẹ ẹwụ Ohomorihi ana aā dọ mịị ha.

Ahẹ Ụgama 146:3

Asị ụ na sị ayị tụra aza ana nyị ụkata. Mị ka asị ụ na sị ayị tụra ọzarẹyịrẹsụ ana ahịka ọ yị zụ dọ ọza há.

Iwe Ọhụhị Imosiisi ana aa hị́ Ọyịvatụrọda 33:26

Ẹwụ nịnị Anisirẹrị, ẹ yị nyị ori ana ya anka Ohomorihi ẹnịnị. Ọọ̄ tụra eguhi chi hụrẹ ẹbẹẹba vaa gụ ụ nịnị ụvọ nị.

Ọyịkụra 18:4

Imosiisi rẹ ka Ohomorihi anị ada anịị̄ hẹkẹ ộ gụ ọnị ụvọ dị ọ dọ ọnị tụ́ ka asị Ihwarawo wụ ọnị nị. Agụvị avọọ dị ọ ka ozi anị ọsa ọ rị Eriyerezi nị.

Anihiburu 10:19

Ẹwụ nịnị ẹyịnyara amị, ini oze anya oni Ijeesu che sẹ́ ẹtẹ o mè sú, yáa nyị ọtụtụrụma ọyịna ngụ aha ọnịnị keekere ịzị Ohomorihi yà.

1 Ịsamụwẹrị 23:17

Di Ijonatani ka, “Asị ụ hí angwa, Ịsọọrụ ada amị ọ yị yàa sị ụvọọ kanyị wụ. Ẹwa va vị ohinọyị Anisirẹrị, dị ahịka ẹma vị ọgwọhụva awụ nị.” Di Ijonatani rẹ ka, “Ada amị ộ hyakụ yẹ ka avọọ yọ nị.”

1 Ohinọyị 17:8

Dị Ẹnẹyịmavara rẹ na kà a yi Erija dị ọ ka