Anihiburu 13:5 - IWE ỌNỊNỊ

⁵ Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Anihiburu 13:5 Referans Kwoze

Iwe Ọhụhị Imosiisi ana aa hị́ Ọyịvatụrọda 31:8

Asị e hí angwa ọnịvị ẹnịnị agụvị ka Ẹnẹyịmavara vaa dọ ọvịdị ẹnịnị na ngụ ịzọọ. Ọ vaa ya pe wa, ọ̀ yị vaa hụrẹ wa ụvọ.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Iwe Ọhụhị Imosiisi ana aa hị́ Ọyịvatụrọda 31:6

Ọ kà ẹ̀ nyị ọtụtụrụma, dị ẹ̀ sị ayị ẹnịnị vị ọnya ẹtẹẹtẹrẹ. Asị e hí angwa ọnịvị ẹnịnị agụvị ka ọnị ana vị Ohomorihi ẹnịnị vaa ya pe wa. Ọnị ẹ yị vaa hụrẹ wa ụvọ

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.

Ayịsaya 41:17

Ụmẹ ọnị onosiye ọnịrị ọnụzọngwa ee si enyi, di e yi re, dị ọrọkọ ẹnịnị sị wara, Ọnị Ẹnẹyịmavara vee tụ́ wa ohi. Ohomorihi Anisirẹrị ẹ yị vaa hụrẹ wa ụvọ.

1 Ịtọpa 28:20

Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.

Ahẹ Ụgama 37:25

M mẹ̀ hụrẹ vị ozweyi pooro dị mị maanị vịra aanị meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi Ezi ẹngụ aza ẹnẹẹ vi oni ọ vee zee yị

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Oyinyima 28:15

Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Ahẹ Ụgama 37:28

Ẹnẹyịmavara ô sì ịrẹyị ebira ịzẹyịza o yi vee hi ayị aza anị ana ayị ẹnịnị vị ọnya Vi o vee sere wa pooro nị ama ezi aza edivi vị ọnị ọ vaa dụ hụụ ịzọọ

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Iruuku 3:14

Di isoja nịnị ẹnị rẹ họ̀ ọ use, dị ẹ ka, “Ẹyịị yọ, si a vọrọ ka ẹ yà rẹ mẹ?” Dị Ịjọọnụ rẹ kà a yị wa ka, “Asị u rè chire ọza angwa nịnị! Asị ụ rẹ̀ sị ụkata dọ ọza ẹkẹhị nịnị, sị eyi pe ụta ene ee sí wu nịnị kẹnẹ!”

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ahẹ Ụgama 119:36

Navọ ahịka ịrẹyị m mẹmẹ vaa mẹ dị ma nyị ẹkẹhị kẹnẹ mị sị tụ́ ịnị ayị nị.

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ahẹ Ụgama 10:3

Aza edivi vi ene eē sì ịsa edivi di e re yee sii wo oto bẹẹ Ọnọhọha ẹnẹẹ aa kụ̀ Ẹnẹyịmavara ụhụ dị ẹ yaa sị ọ mẹ enyinyi nị.

Ọyịkụra 2:21

A mẹ̀ vavọọ na hị́ Imosiisi, ộ dọ ka ọnị ọ̀ yà ịda Iruweri. Di Iruweri sị ozi anị ọnya ana aā hị́ Izipora dị ọ sị gà Imosiisi nị.

Anẹhwẹsọsị 5:3

Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị.

1 Anịkọrịntị 5:11

Ama mị ka àa nyị ọza ana ka ọnị vị ẹnẹbẹnị ini oze Ikirisiti, dị aa sẹ̀ ịrẹka, dị ọ vị ọnọhọha, dị ọ raa hẹkẹ ori nị, à vị ka dị ọ̀ọ kụ̀ ọza ụhụ, dị òo hú eche ahaahara, àa vị ka dị òo yi oyi, ẹngụ aza ẹnẹẹ asị ẹwụrị wa hyakụ dudu yaayịtẹ rị ịsa vabẹ nịnị!

Iruuku 8:14

Aza ẹnẹnị vị ana yà anka ihu ene e mi tụ́ ịnị akakana ikeyi. Ẹ mẹ̀ wụ́ ịrẹyị ọnọọ, dị ẹyaa vụrị nị. Ama ariro ẹhẹ ọnịrị ẹkẹhị beri ụbanyị ẹhẹ ọnọnị ộ za ịrẹyị ọnọọ rị; agụvị avọọ ẹtụtụ ẹnịnị e yi ve vi.

Ịmaakị 7:22

dị ẹ rẹ yaa mẹ eyọhụrẹ ọnịrị ebira odivi, dị ẹyaa mẹ apẹ, dị ẹ rẹ yaa mẹ̀ ebira kẹnẹ-kẹnẹ, dị ẹyaa mẹ ụra.

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

Aniroomi 1:29

Avaba ebira odivi vị ana yarị wa. Ẹyaa sẹ̀ ịrẹka, ẹyaa mẹ̀ ịsa edivi, ẹ rẹ yaa mẹ eyọhụrẹ, ệ nyị ayị odivi, dị ẹyaa kụ̀ ụhị pooro. Ẹyaa wụ̀ ọza, ẹyaa zyaazị, di eyee vene ọza, di e re yee sì ka eni ee du ọza ịrẹsụ. Dị ẹyaa kụ́ ọza ịrẹkaa zị,

Ijosuwa 7:21

Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

Oyinyima 31:5

Dị ọ kà a yị wa ka ọnị o si re ka ada ẹnịnị ọ yị kụkụ sị eyi ọyịza re ọnị anka ịyẹẹyẹ. Ama Ohomorihi ada anị vị ana jẹẹ ọnị ịrẹma.

Iwe Ọhụhị Imosiisi ana aa hị́ Ọyịvatụrọda 4:31

Agụvị ka Ẹnẹyịmavara Ohomorihi ẹnịnị vị anayamva, ọ yị vaa yi wa tịtẹ, a vị ka o vu wa ẹtẹ. Ọ yị vee hi ayị oto oni o wo yi ohiku ẹnịnị, dị ọ hị́ eku tụra a ịrẹsụ.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.

1 Ohinọyị 6:13

Mị vaa yà ịnị akakana Anisirẹrị. Me yi vee yi Anisirẹrị aza amịị tịtẹ.”

1 Ohinọyị 8:57

Ẹnẹyịmavara Ohomorihi ayị vaa yà pè yi anka ọ mẹ̀ vịdị yà pe ohiku ayị. Ọ navọ kwogwo asị a nyị ụmẹ ọnị ọ sị navọ yị tịtẹ.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Imatiwu 6:19

“Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ!

2 Anịkọrịntị 4:9

Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ.

Oyinyima 30:31

Di Ịrabanị ka: Sị ọnị aa sịị yọ? Di Ijekọvụ ka: Ọ̀ọ zẹẹ ka ọnị ọ̀ dọ ịrẹyị ọnị ọnị vaa kà aanị, ọnị ọ mẹ yị kà ka ọ̀ sị ịsa ọnyọọnyịị yị ọnị. Ọ kà ịsụpa anị vị ọnị ọnị aa yịị tẹsị anị.