Anihiburu 13:17 - IWE ỌNỊNỊ

¹⁷ Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

Anihiburu 13:17 Referans Kwoze

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

1 Anịkọrịntị 16:16

waa sị ụbanyịị yị ẹngụ aza ẹnẹẹ ọnịrị aza ẹnị ọnịrịị èe dudu aa mẹ̀ ụkọrọ.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Ọyịkụra 32:31

Ịzẹyịza di Imosiisi varẹma hịrẹ ne tù Ẹnẹyịmavara nị. O mè tù ịzọọ dị ọ ka, “Nda, ebira odivi ana aza ẹnẹnị mẹ̀ ọ sị banyị baaba. Ẹ na sị igooru ệ mẹ ori yị ẹngụ ẹnịnị.

Anihwiripi 2:29

Aarịhịnị, sị ịrajẹ dọ ọ nịnị anka ẹnẹbẹnị ini oze Ananyị yị. Ẹngụ ọza ọnọọ, aa vọrọ ka wa sị ụbanyị yọ nịnị.

Aniroomi 14:12

Agụvị avọọ, avaba ayị vaa kà enube ẹngụ ayị ọ́vịdị Ohomorihi.

2 Anịtẹsaronika 3:14

Àa nyị aza ẹnẹ ẹ̀yị dọ ịrẹyị ọnị yaa chẹrẹ ẹ tụ́ụ hi wu nịnị aanị, sị eyi pe ẹngụ aza ẹnẹẹ, di u we re ka ẹ yị nyị ịsị ẹ kụ́ ẹwụrị ọọ gẹ nịnị, agụvị dị ụhị ọ̀ zụ nyị ọọ.

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.

Ayịsaya 62:6

Anijerusarẹmị, Ẹnẹyịmavara ọ raà nyị oserẹtẹ ene vee sere ọvọ awụ nịnị. Ẹnịnị e yi vee si irenu kwoku ọọdụ ọnịrị ịrahụ. Ẹ vaa tamayị Ẹnẹyịmavara ayị avaba ọnị o wo oto anị wụ nịnị. Ẹnịnị ẹ yị vaa zẹ ka ayị o hi ọ.

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Anihwiripi 3:18

Ụpọọpọsa m maanị sịị kà a wụ nịnị nị; m mèe tenyi ọọ kà aanị, m maa jị oreree tụ́ ọ nị, ka aza ẹnyị yà ịzọọ, ana ahịka ẹyaa mẹ̀ ebira anka ọnịvị ọchị apavahị oni Ikirisiti sú ị́rẹsụ anị nị.

Ijemiisi 4:7

Agụvị avọọ ká ịrẹsụ hi yị Ohomorihi nịnị! Asị ụ sị oze yị Echu nịnị, ka o vee zwèe kà naa wụ nịnị.

Anihwiripi 1:4

Ụmẹ tụra ụmẹ ọnị maa mẹ̀ aduwaa wụ nịnị, ịnẹ amị vị eneē hine

Iruuku 16:2

Dị ọ va hị́ ozi ahụ ọnọọ, dị ọ ka: ‘Ịrẹyị awụ ịsị mị wụ́ aanị kẹ? Chẹrẹ ẹ vẹ dị a re, ụ mẹmẹ mẹ̀ ụkọrọ awụ; agụvị ka wẹ yị kụkụ sị eyi pe ụkọrọ amị.’

Ụhịrẹyị 5:13

Wẹ yị batọ ịrẹyị aza ana aa zụ wụ ịsa. Wẹ yị sị ụtọ nọ ịnị ịrẹyị ẹnịnị vụrụ-vụrụ.

1 Ịsamụwẹrị 8:19

Anisirẹrị nịnị ê yi, ẹ yị zẹẹ ka ẹnị ẹ̀ wụ́ ịrẹyị ọnị Ịsamụwẹrị aa kà a yị wa. Ẹ ka ẹ yị nyị ụvọ ẹnịnị rị ịnị ịrẹyị ọnọọ, ẹnị ka eni ee sị̀ ka ẹnị ẹ̀ nyị ohinọyị.

Oyinyima 16:9

Di Anggẹẹrị Ẹnẹyịmavara ọnọọ rẹ kà a yọ ka: Ọ̀ varẹma nọ ịda onyirehi anị dị ọ naa wụ́ụ chire e.

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Ezikẹẹrị 33:2

Ozi-ọza, ọnị ọ ka yị anda ẹnịnị ịsị ẹẹ̄ mẹ ụmẹ ọnị Ẹnẹyịmavara ộ mẹ̀ ka à kụ́ ịrẹkụ va ngụ ẹkụra. Anẹkụra ọnọọ ẹẹ̄ nyị ọza-ịnya ịnị ẹngụ ẹnịnị ka, ọ̀ vị oserẹtẹ.