Anihiburu 13:15 - IWE ỌNỊNỊ

¹⁵ Agụvị avọọ ini oze Ijeesu, à vẹ yaa ga Ohomorihi pooro! Ụga ọnị yaa sịị yọ vị ana sị mẹẹ anka ịsọvọ ọnị yaa mẹẹ hi Ohomorihi avọọ. Ọnị ọ vi ka yaa sị irenu ayịị kà a ka aza anị ị vị nị.

Anihiburu 13:15 Referans Kwoze

Ahẹ Ụgama 50:14

Ịsọvọ awụ ọ vị ka waa kụ́ Ohomorihi avọ ịsị wàa kà ka wa mẹẹ yị Ohomorihi ọgọdọgọdọ ọnị ụvọ ọza è yi mè tù di ụ rẹ vavọọ mẹ̀ ẹ yọ.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ayịsaya 57:19

Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.

2 Ịtọpa 33:16

Ịmanasẹ o re tenyi ụta ịzị aa ya hẹkẹ Ẹnẹyịmavara, dị ọ mẹ̀ ịsọvọ uzee ọnịrị ọyị kụ avọ ịrẹsụ ụta ọnọọ nị. Dị mẹ̀ ọda yị avaba Anisirẹrị ka ẹnịnị ẹ hẹkẹ Ẹnẹyịmavara Ohomorihi Anisirẹrị.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ireevi 7:12

Àa vị ọza aa mẹ̀ ịsọvọ ọnọnị ọ̀yị ku Ohomorihi avọ nị, ọ vaa sị ịbụrẹdị ọnị ọza ẹ̀ yị sị owu tụụ vaka ịsụpa ana a sị va mẹ̀ ịsọvọ ọnọnị. Ọ zụ vị ịbụrẹdị ọrata ana a sị angwẹ orivi po ayị ana a sị mẹ̀ ẹ, ọ zụ vị Ịbụrẹẹdị hẹvẹ-hẹvẹ aanị ana a dá angwẹ orivi sisi, ọ rẹ zụ vị Ịbụrẹẹdị ana a sị angwẹ orivi po ayị anị ẹtẹẹtẹrẹ.

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

2 Ịtọpa 7:6

Ohirẹsụ irehi Ohomorihi nịnị vị ana jẹẹ aha ụkọrọ ẹnịnị, dị Anireevi nịnị aa jị ahẹ, di e yee hu ẹnya isohu ọnị Idevidi mẹ ka aa sị gama Ẹnẹyịmavara agụvị ọyịsị ẹnẹ ẹ yị ma ta nị. Ohirẹsụ irehi Ohomorihi nịnị ene ee hu ịkakanchị vị ana jẹẹ va eyi ka onisohu ẹnẹẹ, dị avaba Anisirẹrị jẹẹ ịzọọ beri wa.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Ahẹ Ụgama 118:19

Nā oze ịzị aza ana aā mẹ̀ ebira ana vọrọọ zịị ngụ eehi mị, dị ma ngụ eehi dị ma na kụ́ Ẹnẹyịmavara avọ.

Ahẹ Ụgama 18:49

Ẹnẹyịmavara, agụvị ịsị ụ maanị mẹ aanị mị vaa sị ụbanyịị wụ ịnị akakana anẹkụra ẹnẹ ẹ̀ yẹ wụ, dị maa jị ahẹ gono wu.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Aniroomi 6:19

Maa sị ịrẹyị ọzaa juwe anị, agụvị ka ịrẹyị ọ mā hụra ye wu nịnị. Ịyẹẹyẹ, wâ vịdị sị ọchẹngụ awụ nịnị mẹ̀ ebira ịdọtị, dị ụ raa mẹ̀ ebira edivi-edivi nịnị nị. Kụkụ rẹ vavọọ sị ọchẹngụ awụ nịnị yị Ohomorihi booro aanị, dụ wa kụkụụ mẹ̀ ịsa ana vọrọ, ọnọọ vị ka ebira ọnịnị!

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Inehemaya 12:40

Ọpa ọjahẹ ẹyịva anaa jị ahẹẹ kụ́ Ohomorihi avọ vị ọzọza jẹẹ aha anị ọvịdị irehi Ohomorihi. Di Inehemaya ọnịrị achẹva ọdọvịdị ẹkụra nịnị ẹnị rẹ jẹẹ.

Ẹzịra 3:11

Agụvị irehi ana a ka a ẹtẹ aanị, dị avaba aza sị ọngwẹ tụ ẹba aa ga Ẹnẹyịmavara nị. Dị ẹ yaa jị ahẹ gono o nị. Dị ẹ kà, “ọ yẹ ịrẹyị, di o sì ịrẹyị Anisirẹrị nịnị pooro zịna-zịna nị”. Dị ẹyaa kụ ọ avọ nị.

2 Ịtọpa 29:31

Ihezekaya kà yị Ịragụ ka, booro aanị ana raà sị ẹnị chire Ohomorihi ụvọ aanị, ọzọza ọ sị ịsa ịsọvọ avọ anị vẹ ịnị irehi Ẹnẹyịmavara. Ịzẹyịza, dị ịragụ ana gụ sị ịsọvọ ọnịrị ẹyịza avọ vẹ nị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Iruuku 10:21

Ịnị ụmẹ ọnọọ gẹdẹ-gẹdẹ dị Ụhwẹ Ọnịnị mẹ ka ịnẹ Ijeesu ò hine ẹtẹẹtẹrẹ nị. Dị ọ ka, “Nda ana nyị ẹbẹẹba ọnịrị ẹhẹ, mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ. Nda, avọọ gẹdẹ-gẹdẹ o mè zé wu eyi nị.

Ahẹ Ụgama 119:108

Ọnya m maa sịị kụ́ avọ nị, navọ wa dọ. Navọ wa sị ọda awụ kọ mị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 33:18

Anireevi ẹnị ẹ rẹ vaa vị ohirẹsụ irehi Ohomorihi pooro, dị ẹyaa hẹkẹ ọnị nị. Ẹnị ẹ vaa rị ịsa ịsọvọ ịra dị ẹyaa mẹ ịsọvọọ hi ọnị nị.

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Ịrịka 7:62

Ẹnya igooru oweyi ọnya ana kụ eturare ohihi tụ;