Anihiburu 13:14 - IWE ỌNỊNỊ

¹⁴ Ịnị ẹhẹ ọnọnị, yẹ yị nyị ẹkụra ana vaa yà ịzọọ pooro. Ama yee sì ẹkụra ọnị ị vavọọ vaa nyị ana aa vẹ.

Anihiburu 13:14 Referans Kwoze

Anihwiripi 3:20

Àa vị ẹyị yọ, eehi ayị yà ẹbẹẹba. Yee zí ka Ijeesu Ikirisiti Ananyị yị ọ̀ và hụụ ịzọọ vẹ.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Anẹhwẹsọsị 2:19

Agụvị avọọ, ẹwụ nịnị ẹnẹ ẹ̀ yị vị Aniju, wẹ yị kụkụ vị ọzọga ọnịrị ọza ẹnẹsa nịnị. Ẹwụrị aza Ohomorihi kụkụ vị anẹkụra ọnya nịnị, anineehi Ohomorihi u kuku dudu vị nịnị nị.

2 Anịkọrịntị 4:17

Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.

1 Anịkọrịntị 7:29

Ẹwụ nịnị ẹyịnyara amị, ịsị máa kà, yị: Ụmẹ ayị aa chee aanị. Agụvị avọọ, hụrị ọyaanị na, aza ana nyị ọnẹẹ, ẹ̀ẹ mẹ anka aza ẹnẹ ẹ̀ yị nyị ọnẹẹ avọọ.

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

Anihiburu 4:9

Ọnọọ ọ́ọ sị zụ̀ ka a nyị nyị ụhwọtụ ana aza Ohomorihi va naa tụ́.

Anihiburu 2:5

Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ.

Anihiburu 9:11

Ama Ikirisiti ọ zị vẹ booro aanị. Ọnị ọ vị ohirẹsụ ọbanyị irehi Ohomorihi ana aa sị ịsa ozozaa vẹ nị. Ọnị ộ mẹ̀ ụkọrọ anị ịnị ajẹngụ ana banyị hu, di o re zoza hu. Ẹ yị vị aza ẹ mẹ ịzọọ, ọ yị hyakụ yà ịnị ẹhẹ ọnọnị.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 12:27

Ịjị ọ kà a ka, “re venee”, ọ́ọ sị zụ̀ ka e vee henyi ịsa ana a mẹ, dị a kụ́ wa kwooze. Dị a hị́ ka ịsa ọnị ọza ò yi zụ henyi, ọ kụkụ yà ịzọọ nị.

Ẹtore 3:12

Ọza ana àa nyị ehuna, mị vaa sị ọọ mẹ ohinẹẹ tụ́ ini irehi Ohomorihi amị, ọyị kụkụ vaa hụụ ịzọọ pooro. Mị vaa chẹrẹ ịrẹha Ohomorihi amịị tụ́ ọọ ẹngụ, ọnịrị ịrẹha ẹkụra Ohomorihi amị ana vị Ijerusarẹmị ọwọọwa ana vaa hụrẹ ẹbẹẹba ịda Ohomorihi amịị chíi vẹ. Dị mị rẹ chẹrẹ ịrẹha amị ọwọọwa tụ́ ọọ ẹngụ.