Anihiburu 13:13 - IWE ỌNỊNỊ

¹³ À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Anihiburu 13:13 Referans Kwoze

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

2 Anịkọrịntị 12:10

Agụvị avọọ ahịmị amị, ụhụ ana aa kụ̀ mị, ọnịrị ẹngụkata beri ụya ana aa sịị rị mị, ọnịrị ezigi agụvị Ikirisiti, ee hine mi. Agụvị ka ịjị màa vị ọkụmị, ịjọnọọ mị sẹsẹ vaa nyị ụkata nị.

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

Anihiburu 12:3

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!

1Ipita 4:4

Ama booro aanị we yi kuku pe wa mẹ̀ ịsa edivi-edivi ẹnẹẹ nịnị. O si hí wa irenu, agụvị avọọ, dị ẹyaa kụ̀ wụ nịnị ụhụ nị.

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 12:4

Ụ màa sịị vụrị ka asị ụ mẹ̀ ịvị nịnị, oò yi ve tù ka à wụ̀ wụ nịnị tụ́ ịnị anị.