Anihiburu 13:12 - IWE ỌNỊNỊ

¹² Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.

Anihiburu 13:12 Referans Kwoze

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Odeyi 7:58

dị ẹ sị ọọ nọ ịrẹma ẹkụra, dị ẹyaa kụ̀ ọọ ịrẹta nị. Di onivenu nịnị kụ́ ịta ẹnịnị yị ozwọọmụha ọnya aanị ana aā hị́ Ịsọọrụ ka ò sị eyi pe e nị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Ịrịka 15:36

Ịzẹyịza, dị avaba anẹkụra sị ọ nọ ịrẹma ẹkụra ịzị ẹ yaa sị ịrẹta wụ anka Ẹnẹyịmavara mẹ mẹ ọda yị wa.

Ireevi 24:23

Ịjị Imosiisi maanị sị ọsọnị ka yị Anisirẹrị nịnị, ẹnịnị ệ sị ọza ana kụ Ẹnẹyịmavara ụhụ aanị tụ ẹhẹ hụrị udi, dị ẹ sị ịrẹta-ịrẹta wụ̀ ọ nị. Aanị Anisirẹrị nịnị mẹ mẹ ịsị ọnị Ẹnẹyịmavara mẹ ọda yị Imosiisi nị.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Ịjọọnụ 17:19

Agụvị ẹnịnị mị sị ẹngụ amị tụ́ irenyi yị wụ nị, agụvị dị ẹnị ẹ̀ rẹ sị ẹngụ ẹnịnị tụ́ irenyi yị wụ ịnị ịzẹyịza.

Ijosuwa 7:24

Ijosuwa ọnịrị Anisirẹrị ana vọ za Eekani ozi Ịzẹra, dị ẹ kụ́ isiriva, achị, ọchị igooru beri ezi Eekani anọrụ ọnịrị anẹẹ, imaaru, ịkẹrịkẹtẹ, atẹmẹ ọnịrị ajẹngụ beri avaba ịsa ana vị anị na tụ́ inozi Akọ.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Ịjọọnụ 19:34

Dị ọnya ini isoja nịnị ẹnẹẹ sị ọha, di o gù ọ chire Ijeesu akaha, dị anya ọnịrị enyi ká va jịnẹ nị.

Iruuku 4:29

Dị ẹ kwẹẹtẹ, di e tura Ijeesu hụụnị ẹkụra, dị ẹ sị ọọ nọ ịrẹsụ ataba ana a dà ẹkụra ẹnịnị tụ, ka ẹnị ẹ̀ na tụ̀ ọ ụvọ zina nị.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Ẹtore 14:20

Dị a kwọrọ ẹtụtụ ẹnẹẹ ị́rẹma ẹkụra nị. Dị anya ee sìi hụụnị ụkọ ọnọọ ẹtẹẹtẹrẹ nị. Óo sì gọdọ gụ ahụ akahịnta (1,600). Ọ́ọ nẹba tù irenu umaata.