Anihiburu 13:11 - IWE ỌNỊNỊ

¹¹ Ohirẹsụ ọbanyị irehi Ohomorihi vị anaā sịị anya uye ana a sị mẹ ịsọvọọ vẹ Aha Ọnịnị ịnị ajẹngụ Ohomorihi, dị ọ sị va mẹ̀ ịsọvọ agụvị ịvị ana aza mẹ. Dị a rị uye ọnọọ nyẹmba ịra ị́rẹma ẹkụra.

Anihiburu 13:11 Referans Kwoze

Ireevi 16:27

Ụnọ ọnịrị ẹvụ ana wụ mẹ̀ ịsọvọ ịvị, ana a sị ẹnịnị ngụ aha ọnịnị ene hu aanị, vị ana a vaa sịị jịnẹẹ tụ ẹhẹ hụrị udi, dị ana rị wa ịra. Ịtụmpaha anị ọnịrị uye, vaka iruvu anị vị ana a vaa rị ịra bemi.

Ọyịkụra 29:14

Ama uye imaaru ọnọọ ọnịrị ịtụmpaha anị ne beri iruvu anị vị ọnị ụ vaa kụ́ ụ jịnẹ hụrẹ ịzị ụ jị udi tụ́ nịnị dị ụ na rị ọ ịra. Ịsị a sị mẹ̀ ịsọvọ ka ọ̀ kụ́ ịvị ohirẹsụ irehi Ohomorihi kwooze ọ vị nị.

Ịrịka 19:3

Imosiisi ọ̀ sị ọ yị Eriyaza ana vị ohirẹsụ irehi Ohomorihi, dị aa sị ọ nọ ịrẹma ẹkụra, dị aa wụ́ ọ eyi anị.

Ireevi 9:11

Uye anị ọnịrị ụpa vị ọnị ọ sị tụ ẹhẹ hụụ ịzị ẹ jị udi tụ, dị ọ na rị ọ ịra.

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ireevi 9:9

Ezi Eerọnị, ê sị ụnọ ọnọnị va yị ọ, dị ọ jị igege ngụ ọ, dị ọ sị da ọpanyị hi iruvo ụta nị.

Ịrịka 19:7

Ohirẹsụ irehi Ohomorihi ọ̀ọ sị mẹ ta, dị ọ hụ enyi, dị ọ nyịna awuru anị, dị ọ va zụ ngụ ịzị aza hi. Ama ịsa ọnị ọ mẹ aanị ó re du ọ ẹngụ. Ọ yị vaa nị pooro dị oruva anị o tù.

Ezikẹẹrị 43:21

Ọ kà Ezikẹẹrị ọ̀ sị ụnọ ana a sị mẹ̀ ịsọvọ agụvị ebira odivi aza aanị, dị ọ sị ọ tụ ẹhẹ hụrị aha ọnịnị, dị ọ̀ sị ọ nọ ịzị a vịdị dà tịtẹ ịnị ẹtẹ irehi Ohomorihi, dị ọ̀ na rị ọ ịra.

Ireevi 6:11

Ọ va naa vara ẹnya ọnị o ku hi ẹngụ, dị ọ va sị atịtọ ọnọọ jịnẹ hụụ ịzị aza ra hi, dị ọ na và hi aha ịnị ịrẹba.