Anihiburu 12:5 - IWE ỌNỊNỊ

⁵ Ọtụtụrụma oni Ohomorihi aa tụ́ wụ nịnị anka ozi anị, vị ayị wéé hí wu nịnị nị? Ọ kà, “Ozi emi, Ohomorihi ọ̀ọọ tụ wụ ohuvọ, asị ụ sị eyi wụ̀ ịrẹyị anị. Àaa sị́ ụyaa rị wụ, asị ụ zẹẹ ka ò du wu eyi.

Anihiburu 12:5 Referans Kwoze

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

1 Anịkọrịntị 11:32

Ama Ananyị yị mẹ̀ ọkarẹyị yị, dị ọ sị ụya rị yị, agụvị asị ọ na kụkụ jị ịvị yị ẹyịrị anẹhẹ vabẹ.

Ahẹ Ụgama 94:12

Ẹnẹyịmavara, ọza oni u wèe nyị iyi tụ́ ohuvọ dị waa sị ọda awụụ zụ ọ nị, ọ̀ nyarị ịrẹsụ ọyịza.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ahẹ Ụgama 119:109

Ụmẹ tụra ụmẹ mịị sịị sị ịrẹsụụ tụ isu nị, ama me yi ree hí ayị ọda ọnị ụ mẹ.

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Ahẹ Ụgama 119:75

Ẹnẹyịmavara, mâ yẹ ka ọda ọnị ụ mẹ ộ vọrọ, mâ yẹ ka ọda ọnị ụ mẹ ộ vọrọ. Mâ yẹ ka ayị ọnya ụ sị sị ụya rị mị nị.

Ahẹ Ụgama 118:18

Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.

Anihiburu 12:7

Agụvị avọọ, àaa sị ụyaa rị wụ, ụ sị isuuru dọ ọ nịnị! Ohomorihi vị ana aa mẹ wụ nịnị anka ezi anị. Áá nyị ozi ana ada anị ọ̀yị mā sị ụya rị?

Ụhịrẹyị 3:1

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ụhịrẹyị 4:5

Asị mị hi ayị ịrẹyị anị, dị asị va ịrẹma ka a agụvị ma nyị ịrẹyọyẹ, dị eyi amị o hweyi.

Ahẹ Ụgama 119:83

Màa daka ta du ha anka ịtụmpa ana aā si echee tụ́ mèe bo avọọ, me yi hi hi ayị ọda awụ.

Ahẹ Ụgama 119:16

Ọda awụ ô zee mi eyi, me yi vee hí ayị ịrẹyị ọnị ụ ka.

Ijoovu 34:31

Ijoovu, wáá ra dọ irenu ịvị awụ yị Ohomorihi, di u we wo oto ka wẹ yị vana mẹ̀ ịvị.

Iruuku 24:6

Ọ yị kụkụ yà ịzẹnị, ọ sị ha hụụnị isu. Tamayị ịrẹyị ọnị ọ kà wụ nịnị, ọ mẹ̀ yị yà Igariri!

Iruuku 24:8

Dị ẹnịnị sị tamayị ịrẹyị anị nị.

Ahẹ Ụgama 119:67

Dị a va sị ụya rị mị mị vịdị nyee eyi nị. Booro aanị vị ọnị mị kụkụ aa saasa ọda awụ.

Arụwẹ 3:39

Sị ẹ vẹ dị yaa rị uhuhu agụvị ebira odivi ọnị ị mẹ̀ ana a sị ụya anị rị yị?

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

1 Itimoti 1:20

Ihimenawusi ọnịrị Arẹkịsanda yà ịnị ẹngụ aza ẹnẹẹ. Ma raà sị wa chire Echu ụvọ, agụvị ẹ̀ zụ yẹ ka ẹ yị vọrọ ka ẹnị ẹ̀ẹ kà ịrẹyị odivi hi Ohomorihi.

Anihiburu 13:22

Ẹwụ nịnị ẹyịnyara amị, aarịhịnị sị ụtọ pe ịrẹyị ọnị mị sị pe wu nịnị juwe aanị ẹtẹẹtẹrẹ! Iwe ọnị mị chẹrẹ tụ́ hi wu nịnị ọ yị gọdọ.