Anihiburu 12:25 - IWE ỌNỊNỊ

²⁵ Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 12:25 Referans Kwoze

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Iwe Ọhụhị Imosiisi ana aa hị́ Ọyịvatụrọda 30:17

Ama ẹnịnị ẹ̀ẹ mẹ akamawụ, dị ẹ yị wụ, di e vene wa na hẹkẹ ori nịnị nị,

Ọyịkụra 20:22

Dị Ẹnẹyịmavara rẹ kà a yị Imosiisi dị ọ ka, “Ẹwụ nịnị ụvọta o si o re ka ẹbẹẹba mị yà kà ịrẹyịị wụ nịnị nị.

Imatiwu 8:4

Dị Ijeesu kà a yọ ka, “Re, asị ụ kà a yị ọza ọnyọọnyị! Ama na sị ẹngụ awụ zụ̀ ohirẹsụ irehi ahẹkẹ Aniju; dị ụ wa na mẹ̀ ịsọvọ oni Imosiisi mẹ ọda anị, dị ọ̀ vị ivenu yị wa ka ẹngụ awụ ộ ta!”

Ụhịrẹyị 8:33

Sị ụtọ pe ịsị aa sị kọ wụ nịnị. Yẹ́ ịrẹyị nịnị, asị ụ sị eyi wụ ọ nịnị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ụhịrẹyị 1:24

Irezi ẹnịnị ẹ mā wụ eesi-eesi. Ẹnịnị ẹ yị ma wụ́ ịrẹyị ọza.

2 Ịtọpa 7:19

Ama Isoromọnị ọnịrị aza anị ẹ̀ẹ na sị ahụ jịnẹ ọda anị ọnị ọnị raà sị yi wa, dị ẹ na hẹkẹ ori nịnị,

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

Ijosuwa 22:16

Avaba ịragụ aza Ẹnẹyịmavara họ̀ wa kà sị ẹ vẹ dị ẹ mẹ̀ ebira odivi ọnọnị hi Ohomorihi Anisirẹrị nịnị? Ụ mẹmẹ zụ va ịrẹma Ẹnẹyịmavara ne hi ụta yị ẹngụ awụ nịnị aanị ọyị sị kụ hịrẹ Ẹ?

Ịrịka 32:15

Ẹnịnị ẹ̀ẹ va hụrẹ ịrẹma Ẹnẹyịmavara, dị ọnị rẹ hụrẹ avaba Anisirẹrị nịnị ụvọ tụ ịnị ụnọmị. Ama ẹnịnị ẹ vaa nyị ohuvọ anị nị.

Ọyịkụra 16:29

Tamayị ka ẹmị Ẹnẹyịmavara mâ sị ẹkụhị ụhwọtụ yị wụ nịnị. Agụvị avọọ dị mị ka wa kụ́ oze ẹẹva ịhị ẹ tụ́ ọ ẹkụhị ịhịnọnyị nịnị nị. Ọzọza ọ̀ yà ịzị ọ̀ọ yà ịnị ịhị ẹ tụ́ ọ ẹkụhị ịhịmba. Asị a nyị ọza ana jịnẹ tụ́ ẹhẹ.”

2 Itimoti 4:4

Dị e yi, dị ẹyị kụkụ sị ụtọ pe ịzẹyịza, dị ahịka ịtọpa kẹnẹ-kẹnẹ ẹ kụkụ sị ụvọ za nị.

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.

Ezikẹẹrị 5:6

Ama Anijerusarẹmị nịnị ẹ́ ra kụ́ hịrẹ ọnị, ẹnịnị ẹ́ yị saasa ọda anị, dị é sị zụ̀ ka ẹnị e divi huni anẹkụra ana vọ nịnị nị. Ẹnẹyịmavara kà Anijerusarẹmị nịnị ê yi ọda anị tịtẹ, ẹnịnị ẹ́ yị saasa a.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ayịsaya 64:9

Agụvị avọọ, navọ a sị ụ kụ́ ayị hi yi, à vị ka wa tamayị ịvị pooro. Tamayị ka aza awụ avaba ayị vị nị.

Ayịsaya 48:6

Avaba ịsa ọnị ọ raà ka yị wa vị ana sẹ. Ẹ dọ ka ịrẹyị anị ộ gẹ ẹ. Booro aanị, ọnị vaa kà a yị wa ịsa ọwọọwa ana aa vẹ. Ịsa ana tẹ̀ ọnị ẹ yị nyị ọza ana yẹ ọ vị nị.

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Anihiburu 3:17

Ẹnẹ vavọọ mẹ ayị kụ́ Ohomorihi pooro mẹ ịrayị ẹbẹẹva? Ẹnịnị ẹ vị avaba aza ana mẹ ịvị, di e sú hi ịnị ụnọmị nị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Ẹtore 22:9

Ama dị ọ kà a yị mị ka asị mị vavọọ mẹ nị. Ọ kà, “Ẹmị rẹ vị ozi ahụ anka ẹwụ, ne beri ọnịsẹ nịnị ọnịrị avaba aza anaa saasa ịsa ana a kà tụ́ ini iwe ọnọnị. Ohomorihi kẹnẹ a vọrọ ka ya hẹkẹ nị.”

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 4:36

Ọnị ọ mẹ ka ẹ wụ̀ ọngwẹ hụrẹ ẹbẹẹba dị zụ wa ịrẹyị, di e reè re ịra anị ịnị ẹhẹ ọnọnị, ịzị ọ ya pe wa kà ịrẹyị.

Iwe Ọhụhị Imosiisi ana aa hị́ Ọyịvatụrọda 18:19

Àa nyị ọza ẹnẹ ẹ̀ yị wụ́ ịrẹyị amị ọnị ọnịsẹ ọnọọ sị ịrẹha amị kà, ẹmị ụvọta vaa sị ụyaa rị ọza ọnọọ.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 12:19

Ọpanyị raa sụ́, di a rẹ nyị ọngwẹ ana aa kà ịrẹyị nị. Aza ẹnẹẹ mẹ̀ wụ́ ọngwẹ ọnọọ, ệ da ịpẹ ẹtẹẹtẹrẹ ka asị ọ kụkụ kà ịrẹyị yị ẹnị.

Ijosuwa 22:15

Ẹnịnị ệ vẹ Igiriyadi ve tu Ezi Irubẹnị nịnị, ọnịrị ezi Igadi ọnịrị achẹva ezi Ịmanasẹ nịnị, dị ẹ kà a yị wa ka: