Anihiburu 12:2 - IWE ỌNỊNỊ

² À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 12:2 Referans Kwoze

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.

Anihiburu 8:1

Avaba ịsa ọnị yaa kà ịrẹyị anị yị: Yáa nyị ohirẹsụ ọbanyị irehi Ohomorihi ọnya, ana yaayịtẹ éyi ụvọrị aga ohinọyị, ana nyị avaba ụbanyị ẹ́bẹẹba.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Anihwiripi 3:20

Àa vị ẹyị yọ, eehi ayị yà ẹbẹẹba. Yee zí ka Ijeesu Ikirisiti Ananyị yị ọ̀ và hụụ ịzọọ vẹ.

Ịmaakị 14:36

Dị ọ rẹ ka, “Ada amị, ada amị, ẹ yị nyị ịsụ wẹ̀ yị zụ mẹ. Sị ako ụyọrị ọnọnị kwooze mi! Ama ẹ yị vị ịsị mi sì, ẹ̀ yị vị isu wèe sì.”

Ayịsaya 8:17

Ẹnẹyịmavara ọ yị kụkụ zẹẹ ka aza anị è re ọnị. Ama ẹmị aa jịị jẹẹ zi ọ, dị mị sị sị ayị tụra a.

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Iruuku 17:5

Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!”

Ịmaakị 9:24

Dị ada ozi ọnọọ wụsẹ nowu zẹtẹ, dị aa ká ẹgọ, dị ọ ka, “Nda, mâ sị ayị tụra wụ de; gụ mị ụvọ dị ma sị ayị tụra wụ hu avọọ!”

Anihiburu 12:3

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!

Anẹhwẹsọsị 2:16

Ọnịvị Ohomorihi ẹ vịdị vị nị, ama Ijeesu ọ raà mẹ ka ẹnị ẹyịva ẹ̀ vabẹ, dị ẹnịrị Ohomorihi è kuku ze booro aanị ini oze isu oni o sú ị́rẹsụ ọchị apavahị. Ini oze avọọ ọ zị mẹ ka asị ẹnịrị Ohomorihi kụkụ vị ọnịvị ẹngụ nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Ahẹ Ụgama 138:8

Ịjị ẹnị Ẹnẹyịmavara ro ka ọnị vaa mẹẹ mị vị ana aa mịị mẹ. Ẹnẹyịmavara, vi uū sì ịrẹyị ọza pooro nị. Navọ ịsa oni ụ nyima aa mẹ, wa mẹ̀ ẹ ta.

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

Anihiburu 10:14

Ịsọvọ ụpẹ ọnya kẹnẹ Ìkirisiti mẹ nị. Dị ọ sị mẹ ka aza ọnị ọnị sị vara aza anị ọnịnị, ẹ̀ kụkụ vị ọyịgụ pooro zịna-zịna nị.

Ịjọọnụ 12:24

Ịzẹyịza m maa kà a wụ nị, ẹ̀ yị vị a sị ihu akụ ikonya chire ẹtẹ, dị ọ vụ̀, dị ọ chị, ọnịnya aa yịị vị nị. Ama ọ̀ọ sị vụ̀, dị ọ sị chị nị, dị ọ vaa nyị ihu ọrụrụ.

Ịjọọnụ 8:56

Abụrahamị ada awụ nịnị ọnị ộ jẹ ịrajẹ ka oni vee re ụmẹ amị. Ịzẹyịza ô re e, ịnẹ anị ô hine.”

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Iruuku 23:11

Dị Ịhẹrọdị ọnịrị isoja anị nịnị aa sị Ijeesu mẹ ịyẹyẹ nị. Dị ẹyaa mẹ̀ ẹ isiya, dị ẹ sị awuru nyanga-nyanga chire e, dị ẹ rẹ sị ọọ varẹma na yị Ipayireti nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Anihiburu 1:13

Ohomorihi ọọ̀ yị kà a yị anggẹẹrị ọnyọọnyị da ka, “Yaayịtẹ éyi ụvọrị amị, pooro dị ma sị ọnịvị awụ tụ́ ịzị ụ waa kụ́ ahụụ hi!”

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Ịmaakị 9:12

Dị Ijeesu ka, “Ịzẹyịza, Erija ọ vịdị vẹ nị, ka ọnị ọ̀ va sị avaba ịsa tụ́ udi anị. Ama sị ẹ vẹ dị a maanị chẹrẹ ẹ ka Ozi ọza onigirima vaa rị ụya irenyi-irenyi, di e re yi ọọ tịtẹ?

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.

Anihiburu 10:33

Ịnị ụmẹ ẹnyị aza aa kụ̀ wụ nịnị ụhụ ịnị ịnọyị-ịnọyị, ẹyaa sị ụyaa rị wụ nịnị. Ụmẹ ẹnyị dị ụ raa saasa aza ana vavọọ aa rị ụya nịnị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

1 Anịkọrịntị 1:18

Aza ene ee vu ẹtẹ vị ene roo ka enube ọyịza ana aa kà ka Ikirisiti óo sú ị́rẹsụ ọchị apavahị vị ịrẹyị ịyẹyẹ. Ama yị ẹyị oni Ohomorihi aa dọ ọ há, ụkata Ohomorihi ọ vị nị.

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

Ịrịka 21:9

Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.

Ịmaakị 15:28

[Iwe Ohomorihi ọ sị sẹ, ana kà a ka: “Â za a ịrịka vaka aza ana jịnẹ ọda.”]