Anihiburu 12:18 - IWE ỌNỊNỊ

¹⁸ Ẹ yị vị ataba (Ịsịnayị) ọnị ọza zụ sị ụvọ kanyị, ụ jẹẹ pe nịnị (anka Anisirẹrị nịnị ịyẹẹyẹ). Ịzọọ, ịra aa za giri-giri, ô hozi ruma-ruma, ẹ yị nyị ẹtohweyi vụrụ-vụrụ, dị ahị aa tụ́ kukuku nị.

Anihiburu 12:18 Referans Kwoze

Iwe Ọhụhị Imosiisi ana aa hị́ Ọyịvatụrọda 4:11

Anisirẹrị ẹ ka ẹ yị ezi ẹnịnị ẹnị mẹmẹ jẹẹ iruvo ataba ene eguhi chire ku, dị o hozi ruma-ruma anka areyi dị ịra aa za na ngụ ẹbẹẹba.

Ọyịkụra 24:17

Anisirẹrị nịnị vi ene ee re eguhi igirima Ẹnẹyịmavara ọnọọ anka ịra ana aa rị ịra ịrẹsụ ataba ọnọọ avọọ.

Ọyịkụra 20:18

Aza ẹnẹẹ ê re apaana ihinẹba màa há, dị ịnyanya aa rị, dị ẹ wụ́ ọpanyị màa sụ́ ịrẹyị nị. Di e re re ka ataba aa dá areyi nị. Dị angwa ee hi wa, di ẹ yaa dá ẹgahị nị. Dị ẹ jẹẹ ẹ́nẹẹnẹ,

2 Itimoti 1:7

Ụhwẹ Ọnịnị oni Ohomorihi sị yị, ọ mā mẹ ka yee hí angwa. Ama Ụhwẹ Ọnịnị ọnọọ vị anaa mẹ ka yaa nyị ụkata, di yee sì ịrẹyị ọza, dị yaa rẹẹ sị ụvọọ za ẹngụ ayị.

2 Anịkọrịntị 3:9

Oto ọkụkụ ana a sị jị ịvị yị aza, ọ̀ọ vavọọ nyị igirima, dị ụ wa yẹ nịnị ka oto ọwọọwa ana a sị jị ịhị yị aza vị ana nyayịnẹ nyị igirima hu avọọ ẹtẹẹtẹrẹ.

Aniroomi 6:14

Asị ụ kụkụ zẹẹ ka ịvị ọ̀ nyị ụkata ị́rẹsụ awụ nịnị! Wáa yẹ nịnị ka wẹ yị kụkụ yà ịnị ụvọ ọda, ịnị ụvọ ayamva Ohomorihi ụ yà nịnị nị.

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

Iwe Ọhụhị Imosiisi ana aa hị́ Ọyịvatụrọda 5:5

Imosiisi ka ọnị ọ jẹẹ ịnị akakana ẹnịrị Ẹnẹyịmavara, dị ọnị dọ Ẹnẹyịmavara ịrẹyị ka yị wa nị. Ẹnịnị ẹ yị nyayịnẹ hịrẹ nọ ịrẹsụ ataba agụvị ka e yee hí angwa ịra.

2 Anịkọrịntị 3:7

Ọda anaā wụ̀ ọza vị ana a chẹrẹ tụ́ ịnị ịrẹta. Igirima Ohomorihi ộ sị ẹngụ zụ̀, a mẹ̀ sị yị Imosiisi. Eyirẹsụ Imosiisi ộ zẹtẹ, ana ahịka Anisirẹrị ẹ yị nyayịnẹ re eyirẹsụ anị, dị ọ tangwa vee mi nị.