Anihiburu 12:16 - IWE ỌNỊNỊ

¹⁶ Asị a rẹ nyị ọza ana na vị ọsẹrẹka ọnịrị ọza ẹnẹ ẹ̀ yị tẹsị ịrẹyị Ohomorihi anka Iisọ! Iisọ ọ́ọ hụ agụvị ịsọyịrị ụpẹ ọnya kẹnẹ ná ọzọkụ anị yị ọhụva anị.

Anihiburu 12:16 Referans Kwoze

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Odeyi 15:29

Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

Ịmaakị 7:21

agụvị ka ịnị ayị aza áriro odiviī hụrẹẹ vẹ nị, anaā mẹ ka ẹ̀ẹ sẹ̀ ịrẹka, di èe yi oyi, dị ẹ̀ẹ rẹẹ wụ̀ ọza,

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

2 Anịkọrịntị 12:21

Ọ́ maa navọ, màa na vẹ ịhị ọsa, asị Ohomorihi amị na kà mi chi ini eyi awụ nịnị. Dị maa jị òrèrè agụvị aza ọrụrụ-ọrụrụ ana vịdị mẹ ịvị dị è yi ro ịnẹ varẹma hụụnị ebira ịdọtị ẹnịnị ọnịrị ịrẹkọyịsẹ beri ebira kẹnẹ-kẹnẹ ẹnịnị.

1 Anịkọrịntị 10:8

Asị ị rẹ na sẹ̀ ịrẹka anka ẹnyị ịnị ẹnịnị! Ẹ mẹ̀ sẹ̀ ịrẹka, ộ mẹ̀ ka aza ẹnị akahị-akahị oze ohurẹẹta (23,000) è sú ịnị ẹkụhị ọnya gene-gene.

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

Oyinyima 27:36

Di Iisọ ka, “Wéē re ka Ijekọvụ obooro ọ vị nị. Ụpẹ ọhụva ọnị ọ maanị aa vaa rị mị ẹtẹ ahụ yị. Ộ vịdị sị mị dọ udi ọzọkụ, ọ rẹ va sị aduwa ana a yaanị mẹ yị mị dọ.” Di Iisọ da ịpẹ yị ada anị dị ọ ka, “Ẹ yị kụkụ daba nyị aduwa ana vọ tịtẹ yị mịị?”

Anẹhwẹsọsị 5:3

Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị.

1 Itimoti 1:9

Ama à vẹ ya tamayị ka Ohomorihi ọyị hụ agụvị aza ana aa mẹ̀ ịsa ana vọrọọ mẹ ọda. Ọda vị ọnị ọ mẹ agụvị aza anaā jịnẹ ọda, ọnịrị anakamawụ. Ọ rẹ mẹ ọda agụvị aza ẹnẹ ẹ̀yị yẹ Ohomorihi ọnịrị ọnịvị nịnị beri aza ẹnẹ ẹ̀yị nyị ebira ọnịnị. Ọ rẹ mẹẹ agụvị aza anaā mẹ̀ ebira kẹnẹ-kẹnẹ, aza anaā wụ ada ẹnịnị ọnịrị ọnyị ẹnịnị, ọnịrị ọwọza.