Anihiburu 12:15 - IWE ỌNỊNỊ

¹⁵ Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 12:15 Referans Kwoze

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Iwe Ọhụhị Imosiisi ana aa hị́ Ọyịvatụrọda 29:18

Re ka ẹ yị nyị ọnọrụ, a vị ọnyẹnẹẹ, a vị ovwoovu ọnyọọnyị, a vị ịrẹsụ ana ya ịzẹnị ajịnị ana va hụrẹ ịrẹma Ẹnẹyịmavara Ohomorihi ayị na hẹkẹ ori anẹkụra ẹnẹẹ. Re ka ẹ yị nyị ọza awụ nịnị ana vị ẹchịpa ọnyịrẹyị.

Anigaratiya 5:4

Ẹwụ nịnị ene ee sì ka Ohomorihi ọ̀ hị́ wụ nịnị ọnịrẹyịzẹyịza agụvị ka waa saasa ọda, wa sị há hụụ ịdị Ikirisiti nịnị. Wa raà sị ẹngụ awụ nịnị hụụnị ayamva Ohomorihi.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.

1 Anịkọrịntị 15:33

Asị ụ zẹẹ ka è vene wu nịnị! Ogu odivi vị eneē du ebira ozozaa ha,

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

Anihiburu 4:1

Ohomorihi ka ẹ́ yị zụ nyị ka ẹyị ẹ́ yị rẹ vaa ngụ ịzị ọnị yà, dị ya na tụ́ ụhwọ́. Agụvị avọọ à vẹ ya nyị angwahi, agụvị asị a na nyị ọza ịnya ịnị awụ nịnị ana ahịka ọ rẹ va zụ ngụ ịzọọ.

1 Anịkọrịntị 5:6

Ẹ yị vọrọ ka waa sị ẹngụụ tụ́ ẹba nịnị. Wáá yẹ nịnị ka òwù kiiki aanị, ọọ̄ mẹ̀ ka avaba ịsa ò wù hi ẹtẹ nị?

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Anihiburu 4:11

Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

2 Anịkọrịntị 13:5

Zama ẹngụ awụ nịnị re, dị ụ wa yẹ wàa yị sị ayị tụra Ikirisiti nịnị! Aanị ka wẹ yị yẹ ẹngụ awụ nịnị ka Ijeesu Ikirisiti yà ịnị ayị awụ nịnị? À yị vị avọọ, ahịka ụ wẹ̀ yị kụkụ mẹ ẹtẹẹrẹ nịnị nị.

1 Anịkọrịntị 10:12

Agụvị avọọ, ọza ana àa ka ọnị ộ ta jẹẹ, â nyị ka ò sị eyi pe ẹngụ anị, ka ọ va hyẹdụ.

1 Ohinọyị 14:16

Ọ re vee yi Anisirẹrị tịtẹ agụvị ebira oni Ijerobowami mẹ. Ọnị ọ kụ́ Anisirẹrị nyeeyi ka ẹ̀ẹ mẹ̀ ebira odivi nị.”

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Iwe Ọhụhị Imosiisi ana aa hị́ Ọyịvatụrọda 32:32

Ọnịvị ẹnịnị ee du ha anka Anisodọmị ọnịrị Igomora. Ẹ sị mẹ anka ọchị ịvayịnị anaa tụ ẹtụtụ ọnyịrẹyị, a vị igirepi ene divi huu ẹchịpa.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Anẹhwẹsọsị 5:3

Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị.

Anigaratiya 2:13

Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ.

1 Anịkọrịntị 13:8

Ọza ene sì ịrẹyị ọza vị ene yii sì ịrẹyị ọza pooro. Ama ụmẹ aa vẹ ọnị ọza ọ̀ yị kụkụ vaa kà ịrẹyị. Ịrẹyọyẹ ọnị ọzaā nyị rẹ vaa ta.

Ọyịkụra 32:21

Di Imosiisi va hị́ Eerọnị dị ọ ka, “Sị aza ẹnẹnị mẹhị na mẹ wụ dị ụ maanị tụra wa na mẹ̀ ebira odivi ọnọnị?”

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Ịtayịtọsị 1:15

Ayị ọza ọ̀ọ nị, avaba ịsa vị ana vaa nị ini eyi anị. Ama ayị ọza ọ̀ yị nị, dị ẹ̀ yị rẹ vị ọdọwụ nị, ẹ yị nyị ịsị ẹẹ̄ nị ini eyi anị. Ayị anị beri ivehu anị nyẹmba ẹ yị hyakụ nị.