Anihiburu 12:14 - IWE ỌNỊNỊ

¹⁴ Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Anihiburu 12:14 Referans Kwoze

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

1 Anịtẹsaronika 4:7

Ohomorihi ọ yị hị́ yị ka ya vaa mẹ̀ ebira kẹnẹ-kẹnẹ; ebira ọnịnị ọ ka yaa mẹ nị.

1Ipita 3:11

Na hụụnị ebira odivi ọyịmẹ̀, dị ọ̀ọ mẹ̀ ebira ọyịza, dị ọ̀ rẹẹ sị avaba ayị anịị sì ẹngwọọrọ.

Aniroomi 12:18

Ẹwà sị vụrị di u we re ka waa sị ẹngwọọrọ pe avaba azaa mẹ nịnị!

Aniroomi 14:19

Agụvị avọọ, â vọrọ ka ya sị ayị tụ́ ịnị ịsị ẹẹ̄ sị ẹngwọọrọọ vẹ, dị ị rẹ zụ sị gụ ẹngụụ ụvọ.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Ahẹ Ụgama 34:14

Asị ọ rẹ kụkụ mẹ̀ ebira odivi, ọ̀ naa mẹ̀ ebira ene zoza Ịsị ọ̀ọ zị zụ mẹ kẹnẹ dị ọnịrị aza ẹ̀ ra ịnị ẹngwọọrọ, ọ̀ naa mẹ̀ ẹ.

3 Ịjọọnụ 1:11

Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Ayịsaya 51:1

Batọ avaba awụ nịnị ene zi ka a dọ ụ nịnị ha. Ẹwụ nịnị ene si ka wa saasa ịrẹyị Ẹnẹyịmavara sị ụtọ pe ẹtẹ. Tamayị ịzị ụ chi hụrẹ vẹ nịnị.

Anihiburu 12:10

Ada ayị ịnị ẹhẹ ọnọnị vị ana aa sị ụyaa rị yị mẹ ụmẹ chee kẹnẹ, anka e mè ro ka óo zoza. Ama Ohomorihi ọnị vị anaā sịị ụyaa rị yị ka ọ̀ vị ọgụ yị; ọnị ọ vị ka ya zụ vị ọnịnị, anka ọ́nị mẹ̀ rẹ vị ọnịnị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

1Ipita 3:13

Sị ọza nyẹngụ sị mẹ wụ nịnị, wàaa sịị vụrị ka wa mẹ̀ ịsa ana vọrọ nịnị?

Ịmaakị 9:50

Anọ ô hine, ama ọ̀ọ sị uhine anị ne ta, sị a kụkụ aa sịị vara a ka ò hine? Nyị uhine véné anọ nịnị, di u we dudu ra vabẹ ịnị ẹngwọọrọ nịnị!”

Ahẹ Ụgama 120:6

Aza ẹnẹnị e yi sì ẹngwọọrọ, o si tù ka ma hụụ ịzọọ ọgọnị.

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

1 Anịkọrịntị 1:10

Ẹwụ nịnị ẹyịnyara amị, máa sị ịrẹha Ijeesu Ikirisiti Ananyị yị dá ịpẹ wụ nịnị ka wa sị ịnẹ yị ẹngụ nịnị. Asị ụ zẹẹ ka ẹhahi ọ̀ ngụ ịnị akakana awụ nịnị! Và ụvọ bẹ ẹtẹẹtẹrẹ nịnị, dụ wa nyị ayị ọnya nịnị, dụ wa rẹ nyị ariro ọnya nịnị!

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Iruuku 1:75

dị ya vị aza ọnịnị ọnịrị ọnịrẹyịzẹyịza ini eyi anị ịnị avaba ẹhẹ ayị.

2 Itimoti 2:22

Asị ụ nyị ụvọ tụ́ ịnị ịsa edivi ọnị ọpa ezweyiī sì, ama wa dụ ka waa mẹ̀ ịsa ana vọrọ, dụ wa sị ayị tụra Ananyị yị, di u we ree sì ịrẹyị ọza, dị ẹwụrị aza ana aa sị ayị ọnịnịị hị́ Ananyị yị ò dudu ra ịnị ẹngwọọrọ!

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Ahẹ Ụgama 94:15

Ụmẹ aa vẹ ana a vanaa sị ịzẹyịzaa mẹ̀ ọkarẹyị. Aza ana aa mẹ ịzẹyịza vaa jẹẹ pè e.

Ahẹ Ụgama 38:20

Aza hi ịzọọ ana ahịka màa mẹ wa ọyịza, ịsa odivi e yee sii si mị atọ nị Màa dụ ka ò zoza yị wa, dị eni ee du mi ịrẹsụ.

Ijoovu 19:26

Ọ̀ọ da ka vị ka ụkụ oo du mi ọchẹngụ ha, ẹmịrị ọchẹngụ ọnọnị yi vee re Ohomorihi.

Ijoovu 33:26

Ọ̀ọ mẹ̀ aduwa, dị Ohomorihi wụ́ aduwa anị. Dị ọ sị ayị ohine dọ ọ varẹma, dị ọ sị ọ varẹma nọ udi anị.

Oyinyima 32:30

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Anihwiripi 3:12

Mẹ yị kà a ka ịsị maa dụ, ụvọ amị óo kú ọ; mẹ yị rẹ kà a ka ma sị gụ. Ama maa kà a tụ́ ọvịdị ka ụvọ amị ọ̀ nyẹngụ kú ịsa ọnọọ, oni Ijeesu hụ agụvị anị nyị mị.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

Anigaratiya 3:21

Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

Ọdọvịdị 11:14

Ịhị ọsa, dị Ijẹhụta rẹ varẹma tụ ụtụ ne tu ohinọyị Anamọnị nị.