Anihiburu 12:13 - IWE ỌNỊNỊ

¹³ Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

Anihiburu 12:13 Referans Kwoze

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

Ayịsaya 35:3

Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

Ayịsaya 35:6

Oswahụ nịnị vaa kwẹẹtẹ di e yee ji iriga anka ẹdọ avọọ, di ogurenu nịnị ee nowu ẹ màa jẹ ịrajẹ. Orosi nini vaa ha irenu ịnị ụnọmị ọpaapara di enyi ee si.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

Iruuku 3:5

È hí avaba inozi; di è re chì avaba ataba nịnị. Oze ana àa rara, à vọrọ ọ; oze ana àa rẹ yà boga-boga, dị à swaa!

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ayịsaya 58:12

Ẹ vaa varẹma da irehi ẹnịnị ana jị eburu tịtẹ hụrị ụmọrụmọ. Ẹ ka irehi ene wu ẹtẹ. A vaa yẹ wa anka aza ene tenyi ọvọ ẹnịrị irehi ene wu da.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.