Anihiburu 12:1 - IWE ỌNỊNỊ

¹ Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Anihiburu 12:1 Referans Kwoze

2 Itimoti 4:7

Avaba ọpa ọnị mị zụ mẹ, ma sị ọọ mẹ ini echi ọnọnị. Ma sị echi amị zwe ta. Mâ sị eyi pe ịzẹyịza pooro ne tù ọzarẹyịrẹsụ.

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Anigaratiya 5:7

Ụ vịdị aa zị ụsẹ ẹtẹẹrẹ nịnị, ama ẹnẹ va za wụ nịnị ka asị ụ kụkụ saasa ịrẹyịzẹyịza nịnị?

1Ipita 2:1

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

2 Itimoti 2:4

Ọza ana aa kụ̀ ịrẹkụ, ọ mā kụkụ nyị eyi yị ụkọrọ ẹngụ anị, agụvị ò zụ zé ọga anị ana dọ ọ eyi.

Ijemiisi 1:3

Wáa yẹ ka àa zama ẹdọwụ awụ nịnị re, ọ vaa mẹ ka ayị awụ nịnị ọ̀ nyị ụkata hu avọọ.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Anihiburu 6:15

Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

2Ipita 1:6

re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị!

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

Ayịsaya 60:8

Sị ẹ vị ẹsẹnị enee hira anka eguhi avọọ? Ẹ sị mẹẹ anka arivadi aa vavẹ ịnị eehi ani avọọ nị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ịjọọnụ 3:32

Ịrẹyị ọnị ọza ọnọọ re, dị ọ rẹ wụ́, ọ va dọ ivenu tụ́ nị, ama ẹ yị nyị ọza ana va dọ ịrẹyị anị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 38:9

Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Ahẹ Ụgama 18:23

Ohomorihi ô re ka mẹ yị rị ịvị mẹ yị zẹẹ ka ma mẹ̀ ebira odivi.

Ịjọọnụ 4:39

Aza ọrụrụ-ọrụrụ ịnị Anịsamarịya ẹnẹẹ ệ sị ayị tụra Ijeesu agụvị ịrẹyị ọnị ọnẹẹ ọnọọ kà ka, avaba ịsị ọnị vịdị mẹ da, ọ kà yị ọnị nị.

Ịjọọnụ 4:44

Ijeesu ọnị ụvọta ộ vịdị sị ọọ kà ka, “Ọnịsẹ ọ mā nyị ụbanyị ịnị ẹkụra anị.”

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Anihwiripi 1:30

Wa raà và ụvọ beri emi nịnị aa vụ̀ ịrẹvụ oni u vịdị re nịnị ka maa vụ̀ nịnị. Wáa wụ́ ọ nịnị ka maa yịị vụ̀ ịrẹvụ ọnọọ.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

Ijoovu 8:10

Ịrẹyọyẹ anịyẹẹyẹ ẹnẹẹ vaa sị ẹtohweyi yọ.

Ịmaakị 10:50

Dị ọ wụsẹ ngwa awuru anị ne ta, di o ji kwẹẹtẹ, di o ne tù Ijeesu nị.