Anihiburu 11:6 - IWE ỌNỊNỊ

⁶ Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 11:6 Referans Kwoze

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Iruuku 12:31

Ama wee sì ka Ohomorihi ọ̀ọ mẹ ịjọvaa tụra wụ nịnị, ka ọ vaa sị avaba ịsa ana vọ aanịị tụ́ ọọ yị wụ nịnị.”

Ahẹ Ụgama 119:10

Avaba ayị amị mị sị jẹẹ pe wu nị, aarịhịnị asị ụ zẹẹ ka me nyee eyi hụụnị ọda awụ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Aniroomi 10:14

Ama ẹ́ mẹmẹ zụ hị́ ọọ ka ọ dọ ẹnị ha ẹ̀ẹ vị ẹ sị ayị tụra a? Ẹ mẹmẹ vaa sị ayịị tụra a ẹ̀ẹ vị ẹnịnị wụ́ ini oze anị? Ẹ̀nịnị mẹmẹ vaa wụ́ ọọ ẹ́ẹ vị a nyị ọza ana kà a yị wa?

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ahẹ Ụgama 73:28

Yị ẹmị, ò ze ka ma gụrị Ohomorihi. Ẹnẹyịmavara Ochẹtẹẹngụ ọ sị mị tẹ nị, Avaba ịsa oni Ohomorihi aa mẹ vị ọnị mị vaa kà a zụ̀ aza.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

2Ipita 1:5

Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ,

Anihiburu 4:6

Yáa yẹ ka aa yị nyị aza ẹnyị ana vaa ngụ ịzọọ. Ye re ree ka aza ẹnẹẹ ana a vịdị kà enube ọyịza ọnọnịị yị, ẹnịnị ẹ yị dọ ọ wụ́, agụvị avọọ ẹnịnị ẹ yị zụ ngụ ịzọọ.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Ịjọọnụ 8:24

Agụvị avọọ, mị kà a wụ nịnị ka u vee súu tụ́ ịnị ịvị awụ nịnị. Wẹ̀ yị dọ mị wụ́ nịnị ka ‘Ẹma vị Ẹmị’ nị, vi u vee súu tụ́ ịnị ịvị awụ nịnị nị.”

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Ahẹ Ụgama 78:32

Dị avaba ịsa ẹnẹnị maanị mị mẹ aanị, ẹnịnị vị ana aa mịị̄ mẹ̀ ebira odivii hi Ohomorihi. Ẹnịnị ê re avaba ịvọpa ẹnịnị, ama ẹ yị sị sị ayị tụra Ohomorihi.

Anihiburu 4:2

A ma rẹ kà enube ọyịza ọnọnịị yị aanị, a rẹ kà a yị ẹnị ịnị ụnọmị nị. Ama ịrẹyị ana a kà yị wa ẹ yị mẹ ọgụvọ yị wa vụrụ-vụrụ, agụvị ka ẹ mẹ̀ wụ́ ọ, ẹnịnị ẹ yị dọ ọ wụ́.

Ụhịrẹyị 11:18

Ebira odivi ẹ yị nyị ọgụ ama ọnịzẹyịza vaa dọ ọgụ ọyịza.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ịrịka 20:12

Dị Ẹnẹyịmavara kà yị Imosiisi ọnịrị Eerọnị ka agụvị ka ẹnịnị ẹ yị sị ayị tụra ọnị, dị ẹ sị ụkata anị zụ eyi avaba Anisirẹrị, ẹnịnị ẹ yị va kụ aza anị na ngụ ẹtẹ ọnị ọnị raà sị yị wa.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Ịmaakị 16:17

Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Ahẹ Ụgama 58:11

Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Ahẹ Ụgama 106:24

Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa, dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.

Ijoovu 21:14

Dị ẹ ka yị Ohomorihi ka ọ navọ ẹnị. Ọ sị anị tụ aha anị.

Ahẹ Ụgama 78:22

Iruvo ọ vị ka ẹnịnị ẹ yị sị ayị tụra Ohomorihi, ẹ yị dọ ka ọ zụ dọ ẹnị tụ́.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Imatiwu 5:12

Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Imatiwu 11:26

Ọga, avọọ gẹdẹ-gẹdẹ o mè zé wu eyi nị.