Anihiburu 11:4 - IWE ỌNỊNỊ

⁴ Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 11:4 Referans Kwoze

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Oyinyima 4:10

Di Ẹnẹyịmavara kà: “Sị ọ mẹ aanị? Ọ kà ọ sị ọyịnyara anị wụ. Ọ rẹ ka anya anị ana và hi eteesu ee nowu, ọnị maa wụ́;

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Imatiwu 23:35

Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.

Oyinyima 4:15

Di Ẹnẹyịmavara va kà a yọ ka: àa vị avọọ ọ mẹ̀ vị. Ọza ana àa wụ̀ ọ, di a sị ụya anị rị ọ oze ịhịmba. Di Ẹnẹyịmavara mẹ apọtẹrẹwa tụ́ Ikeeni ẹngụ nị ka èe re e a va wụ̀ ọ. Ihiburu ka di e si ọ atọ oze ịhịmba ọnị ọ vị ka avaba ụya ana a vọrọ ka ọ̀ rị, a vaa sị rị ọ nị.

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Iruuku 11:51

O vee nyima hụụnị Ebẹrị ana a wụ̀ na ngụ Ịzakaraya ana a wụ ịnị akakana ụta ọnịrị irehi Ohomorihi. Ịzẹyịza, m maa kà a wụ nị, anụmẹ ọnọnị Óhomorihi vaa sị ụya ịrẹyị aza ẹnẹnịị rị nị.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

1 Ohinọyị 18:38

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Oyinyima 4:25

Adamị ọ rẹ nọ ịda ose anị, dị ọ ma ozi ọnọrụ nị. Dị ọ hị́ ọ Ịsẹtị nị, ọnị ọ vị ka Ohomorihi ọ raà sị ozi ọnọrụ ọsa dọ Ẹba ịrẹsụ mị. Ikeeni mẹ̀ sị Ẹba wụ.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Anihiburu 5:1

Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.

2Ipita 2:8

Ịrọọtị ọnịzẹyịza vị ana ra ịnị akakana ẹnịnị, dị ee ree, dị ọ raa wụ́ eyinị-eyinị ebira odivi ẹnẹ ẹyaa mẹ nị. Ebira odivi ẹnịnị ọnọọ aa zàmà ayị Ịrọọtị ẹtẹẹtẹrẹ, agụvị ka Ịrọọtị vị ọza ọyịza.

Ijoovu 8:10

Ịrẹyọyẹ anịyẹẹyẹ ẹnẹẹ vaa sị ẹtohweyi yọ.