Anihiburu 11:34 - IWE ỌNỊNỊ

³⁴ Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.

Anihiburu 11:34 Referans Kwoze

Ọdọvịdị 15:8

Obonobono dị Ịsamịsịnị tana ụvọ za wa ẹtẹẹtẹrẹ nị. Dị ọ wụ̀ aza ọrụrụ-ọrụrụ ẹnịnị nị. Ịrẹma ọnọọ dị Ịsamịsịnị na ngụ ụtẹha ọnya ịnị ataba Etami nị. Dị ọza ahụ jẹ ịzọọ nị.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ahẹ Ụgama 144:10

Ẹwaa mẹ ka ohinọyị nịnị ẹ̀ huna ọnịvị ẹnịnị nị, dị ụ dọ Idevidi ozi ahụ awụ tụ́ ka asị a wụ ọ nị.

2 Ohinọyị 6:32

Ịzẹyịza, dị ọ tụ aza ka ẹ̀ na wụ Erisa nị. Erisa vị ana ya ini eehi dị ọnịrị ọdọvịdị Anisirẹrị nịnị aa gẹ eyi. Dị ọnụtụ ohinọyị ẹnẹnị va ngụ ịzọọ, Erisa ộ kà a yị ọdọvịdị Anisirẹrị nịnị ẹnẹnị ka, ọwọza ọnọnị ọ raà tụ ọza ka ọ̀ va wụ ọnị ọ. Ọ kà ịjị ọnụtụ ohinọyị ẹnẹẹ ẹ̀ẹ vẹ, ẹnịnị è gu oze, a sị ẹ zẹẹ ka ẹ̀ ngụ eehi. Ohinọyị ụvọta aa dị waa vẹ.

1 Ohinọyị 19:3

Erija mẹ̀ vavọọ wụ́, di ee hí angwa dị ọ sị kwẹẹtẹ di o si zwe ka asị a wụ̀ ọnị nị. Ọ mẹ̀ na sị ngụ Ịbẹẹsẹba ana yà ịnị ẹtẹ Ijuda, dị ọ navọ ozi ịda anị tụ́ ịzọọ,

1Ipita 4:12

Ẹwụ nịnị ẹyịnyara amị, asị o hí wu nịnị eyi agụvị ụyọrị ẹbanyị-ẹbanyị ene ee tù wu nịnị, dị aa zama wụ nịnịị re. Asị ụ re e ịrẹyị ọzọga nịnị.

Ijeremaya 26:24

Ijeremaya ka, agụvị ka ọnọrụ ana aā hị́ Ahikami ozi Isahwani ộ jẹẹ ọnị ịrẹma, ọza ẹ yị rẹ va sị ọnị chire aza ụvọ ka ana wụ ọnị.

Ahẹ Ụgama 66:12

Wâ zẹẹ ka ọnịvị ayị ẹ̀ za yị, dị ẹ̀ mẹ̀ yị sẹkẹ-sẹkẹ. Ẹ yị nyị ụya ọnị yẹ̀ yị sị rị; ama wa vị va raà sị yị va ngụ ịzị ị yà dị ẹngụ ayị ee hunẹnẹ.

Ahẹ Ụgama 6:8

Avaba ẹwụ nịnị ana aa mẹ̀ ebira odivi è jesi hụụ ịda amị; ka Ẹnẹyịmavara ọ raà wụ́ ịpẹ ọnị maa dá di mee sụ́ ùnè.

Ijoovu 42:10

Ịjị Ijoovu raa mè aduwa yị wa, dị Ẹnẹyịmavara va ogu anị ịrẹma yọ oze ẹvẹẹva nị.

Ijoovu 5:20

O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”

Ọyịkụra 18:4

Imosiisi rẹ ka Ohomorihi anị ada anịị̄ hẹkẹ ộ gụ ọnị ụvọ dị ọ dọ ọnị tụ́ ka asị Ihwarawo wụ ọnị nị. Agụvị avọọ dị ọ ka ozi anị ọsa ọ rị Eriyerezi nị.

1 Ịsamụwẹrị 18:11

Di o ne ọha ọnọọ ụpẹ ẹẹva ka ọnị ò gu ọ chire Idevidi na za ugene nị. Di Idevidi hụrẹ oze yọ ịnị ụpẹ ẹyịva ẹnẹẹ nị.

1 Ịsamụwẹrị 19:10

Dị Ịsọọrụ ka ọnị ọ̀ gụ ọha chire Idevidi na za ugene nị. Di Idevidi maanị ya yẹ dị ahịka ugene ọha anị va na za nị. Ịrahụ ịhị ọnọọ, di Idevidi si zwe nị.

1 Ohinọyị 19:1

Ahabị mè tù ini eehi, dị ọ kà a yị Ijezebẹrị avaba ịsị Erija mẹ nị. Dị ọ kà a yọ ka Erija ọ raà sị ụ̀hwọ̀ wụ̀ avaba ọnịsẹ Ịbaarị nị.

2 Ohinọyị 6:1

Ẹkụhị ọnya, â nyị ogu ọnịsẹ nịnị ene Erisa sị eyi pe. Ê ve tu Erisa, dị ẹ ka: Wee re ka ịzị ị yà aanị ọ sị weyi yị yị.

Ahẹ Ụgama 124:7

Ya sị tụ̀ anka inomi ọnị ịrẹpa za mẹ̀ tụ̀ avọọ. Ịrẹpa ọnị ọnịvị ayị và zi yi o si che, ya sị tụ̀.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”