Anihiburu 11:23 - IWE ỌNỊNỊ

²³ Aza ana ma Imosiisi ệ sị ayị tụra Ohomorihi. Ọnị ọ mẹ ka ẹ mẹ̀ sị Imosiisi ma, ẹ̀ sị ọ na tẹ̀ mẹ ụhwẹ ẹẹta nị, agụvị ka ê ree ka ozi ọnọọ ô zoza. Ẹnịnị e yi hí angwa ọda oni ohinọyị mẹ.

Anihiburu 11:23 Referans Kwoze

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Ọyịkụra 1:16

Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Odeyi 7:20

Ụmẹ ọnọnị a sị ma Imosiisi nị. A mẹ̀ ma Imosiisi, ô zé Ohomorihi eyi. Â pá a mẹ ụhwẹ ẹẹta ini eehi ịdị ada anị.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ahẹ Ụgama 118:6

Ẹnẹyịmavara vị ana jẹẹ mị ịrẹma, agụvị avọọ me yi vee hí angwa. Mâ yẹ ka ẹ yị nyị ịsị ọza zụ sị mẹ mị.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ahẹ Ụgama 56:4

Mâ sị ụbanyị yị ịrẹyị awụ, Ohomorihi Ọnị mị sị ayị tụra nị, angwa o yi vee hi mị agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.