Anihiburu 11:17 - IWE ỌNỊNỊ

¹⁷ Abụrahamị ộ sị ayị tụra Ohomorihi. Ọnị ọ mẹ ka Óhomorihi mẹ̀ zama a re, ọ̀ dọ ka ọnị ọ̀ sị Ayiziiki, dị ọnị ọ̀ sị mẹ̀ ịsọvọ hi Ohomorihi nị. Abụrahamị Óhomorihi hị́ eku nị, ama ô tenyi ẹngụ ka ọnị ọ̀ sị ozi anị ikonya mẹ̀ ịsọvọ hi Ohomorihi.

Anihiburu 11:17 Referans Kwoze

Oyinyima 22:16

dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

1Ipita 4:12

Ẹwụ nịnị ẹyịnyara amị, asị o hí wu nịnị eyi agụvị ụyọrị ẹbanyị-ẹbanyị ene ee tù wu nịnị, dị aa zama wụ nịnịị re. Asị ụ re e ịrẹyị ọzọga nịnị.

Ụhịrẹyị 17:3

Ịra aā sịị zama isiriva ọnịrị igooru re dị a yẹ ana vị obooro anị nị, ama Ẹnẹyịmavara vị anaā zama ayị ọzaa re.

Anihiburu 7:6

Ama Imerikizẹdẹkị ọnị ọ yị vị anovwoovu ẹnịnị, ộ dọ Abụrahamị agẹẹwụ, dị ọ rẹ mẹ̀ aduwa yọ nị. Abụrahamị ọnọọ Óhomorihi hị́ eku yị nị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịdanịyẹrị 11:35

A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.

2 Ịtọpa 32:31

Ụmẹ ọnị ohinọyị Ịbabịrọnị sị tụ́ va họ̀ Ihezekaya use ịrẹyị ịvọpa ana mẹ̀ ịnị ẹtẹ anị. Ohomorihi ộ navọ ka Ihezekaya ộ zama ebira anị re dị ộ yẹ ayị anị.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Anihiburu 11:13

Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.