Anihiburu 11:14 - IWE ỌNỊNỊ

¹⁴ Aza ana vavọọ kà, ẹ́ẹ sị zụ̀ ka ẹnị ee sì ẹkụra ana vị ẹ́ẹnịnị.

Anihiburu 11:14 Referans Kwoze

2 Anịkọrịntị 4:18

Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.

Anihiburu 13:14

Ịnị ẹhẹ ọnọnị, yẹ yị nyị ẹkụra ana vaa yà ịzọọ pooro. Ama yee sì ẹkụra ọnị ị vavọọ vaa nyị ana aa vẹ.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Ọyịkụra 2:22

Izipora ộ ma ozi ọnọrụ ọnya, di Imosiisi yị ọ Igerisomi nị. Ọ kà, Ọzọga ọnị vịdị vị tụ́ ẹtẹ ọzọga nị. Igerisomi ô vene ịrẹyị Ihiburu oni iruvo anị vị “ọzọga mị vị tụ́ ịzọọ nị”.

Anihiburu 11:13

Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.

Anihiburu 11:15

Ẹnịnị e yi ro ịrẹyị ẹkụra ẹnẹ hụrẹ vẹ. Ẹ̀ẹ yaanị vavọọ ro o, ẹ yaanị re oze varẹma.