Anihiburu 11:13 - IWE ỌNỊNỊ

¹³ Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.

Anihiburu 11:13 Referans Kwoze

Anihiburu 11:27

Ịnị ka Imosiisi ọ sị sị ayị tụra Ohomorihi, ọ mẹ ka ọ̀ hụrẹ Ijipiti. Ọ yị hyakụ hí angwa ka ohinọyị ọnọọ aa kụ́ ayị. Ộ jẹẹ pe Ohomorihi geri-geri, agụvị ka vị ọ sị mẹẹ ka vi ee re Ohomorihi ọnị ọza ò yi zụ re avọọ nị.

Ahẹ Ụgama 39:12

Ẹnẹyịmavara, navọ wa wụ́ ịpọda amị sị wa gụ mị ụvọ Wê re m maa jị òrèrè, navọ we tụ́ mi ohi dị wa gụ mị ụvọ. Ọzọga mị vị dị mị ra pè wu anka ohiku amị mẹ̀ ra pè wu nị.

Oyinyima 23:4

“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.”

Ịjọọnụ 8:56

Abụrahamị ada awụ nịnị ọnị ộ jẹ ịrajẹ ka oni vee re ụmẹ amị. Ịzẹyịza ô re e, ịnẹ anị ô hine.”

Anihiburu 11:39

Avaba aza ẹnẹẹ ệ vavọọ sị ayị tụra Ohomorihi, dị Ohomorihi kà ọda yị wa nị; ama ẹnịnị e yi sị eyi re ịsa oni Ohomorihi zẹẹ wa ịzẹzẹ anị.

Anẹhwẹsọsị 2:19

Agụvị avọọ, ẹwụ nịnị ẹnẹ ẹ̀ yị vị Aniju, wẹ yị kụkụ vị ọzọga ọnịrị ọza ẹnẹsa nịnị. Ẹwụrị aza Ohomorihi kụkụ vị anẹkụra ọnya nịnị, anineehi Ohomorihi u kuku dudu vị nịnị nị.

Aniroomi 8:24

Yâ nyị ọyịtureyi, agụvị avọọ a sị dọ yị há nị. Ịsị yaa tụra eyi anị, yèee re e, ẹ yị kụkụ nyị ka vị yaa tụra eyi nị. Ọza wéé kukuū zí eyi ịsa ene ee re?

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Aniroomi 4:21

Ộ yẹ ịnị ayị anị ẹtẹẹtẹrẹ ka ịsa oni Ohomorihi wo oto anị, ọ zụ mẹ̀ ẹ.

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Oyinyima 49:18

Ẹnẹyịmavara ẹwụ m mee zi ka ọ̀ va dọ mị ha nị.

Oyinyima 47:9

Di Ijekọvụ ka, “Ịrayị ẹchịhịnọnyị tụra ẹẹwụ kẹnẹ ọnị mẹ ịnị ẹhẹ da nọ. Ọ kà ọnị ộ yị vịra, ẹhẹ anị vị akanya-akanya. Ọnị ệ yị hyakụ nyị ịzị ọnị tù ịnị ẹkụhị oni ohiku anị nịnị mẹ ịnị ẹhẹ.”

Oyinyima 25:8

Abụrahamị vị ana nyayịnẹ bo di o ve sú. Ó ku orubo ẹtẹẹtẹrẹ, dị ẹhẹ anị zoza nị. Ộ vaa ụhwẹ ha dị o ne tu ohiku anị nịnị ene vịdị su nị

1 Ịjọọnụ 3:19

Ịsị zụ sị yẹ ka ya vị ọnịzẹyịza ọ vị ọnọọ nị, dị ị rẹ nyị ayọnẹtẹ ọvịdị Ohomorihi.

Imatiwu 13:17

Ịzẹyịza mị kà wụ nịnị nị, ọnịsẹ ọrụrụ-ọrụrụ nịnị ọnịrị ọnịrẹyịzẹyịza nịnị ê sì ka eni è re ịsị u wee re nịnị aanị, ama eyi re e. E re sì ka ẹnị ẹ̀ wụ́ ịrẹyị ọnị ụ waa wụ́ nịnị aanị, ama ẹ yị wụ́ ọọ.”

Oyinyima 49:33

Ịjị Ijekọvụ maanị sị ịrẹyị ẹnẹnị kà yi ezi anị, dị ọ kara ahụ anị hi aha ọyịsụ anị, di o sú nị.

Ahẹ Ụgama 119:19

Wâ yẹ ka ọzọga mị vị tụ́ ịnị ẹhẹ nị. Aarịhịnị asị ụ sị ọda awụ tẹ yị mị.

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ịjọọnụ 12:41

Ayịsaya ộ vịdị kà ịrẹyị ẹnẹẹ, agụvị ka ô re igirima Ananyị yị, dị aa kà ịrẹyị ini oze anị nị.

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Oyinyima 49:28

Ịrẹsụ ẹwụrẹva ana vi Anisirẹrị ẹ vị ẹnẹẹ nị. Ịrẹyị ana ada ẹnịnị kà yị wa ọ màa mẹ̀ aduwaa yị wa ọ rẹ vị ẹnẹẹ nị. Aduwa ene rere ọzọza ọ mẹ yị ọzọza nị.

Oyinyima 48:21

Di Ijekọvụ va hị́ Ijosẹẹhụ dị ọ ka, “Ọ̀ yẹ o ka ọnị ee vee sú. Ama Ohomorihi vaa jẹẹ ịrẹma anị, dị ọ sị ọ varẹma nọ ịnị ẹtẹ ohiku anị nịnị.

Ọyịkụra 2:22

Izipora ộ ma ozi ọnọrụ ọnya, di Imosiisi yị ọ Igerisomi nị. Ọ kà, Ọzọga ọnị vịdị vị tụ́ ẹtẹ ọzọga nị. Igerisomi ô vene ịrẹyị Ihiburu oni iruvo anị vị “ọzọga mị vị tụ́ ịzọọ nị”.

Ireevi 25:23

Ẹnẹyịmavara kà à sị Anisirẹrị nịnị ná ẹtẹ ẹnịnị yị ọza ka ọ̀ vị ọ́ọza ọnọọ pooro, agụvị ka ẹ́ yị vị ẹnị ẹ nyị; Ohomorihi ọ nyị nị. Ọ kà Anisirẹrị nịnị vị ana sị mẹẹ anka anẹkụra ọsa ana á zẹẹ ka ee rò ẹtẹ ọnọọ avọọ.

2 Anịkọrịntị 4:18

Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.

2 Anịkọrịntị 5:6

Agụvị avọọ, yá nyị ayọnẹtẹ ịnị avaba ụmẹ. Yâ yẹ ka ị mẹ̀ yà ịnị ẹhẹ ọnọnị aanị, yẹ yị yà ịdị Ananyị yị ana vị eehi ayị.

Anihiburu 11:14

Aza ana vavọọ kà, ẹ́ẹ sị zụ̀ ka ẹnị ee sì ẹkụra ana vị ẹ́ẹnịnị.

Anihiburu 11:17

Abụrahamị ộ sị ayị tụra Ohomorihi. Ọnị ọ mẹ ka Óhomorihi mẹ̀ zama a re, ọ̀ dọ ka ọnị ọ̀ sị Ayiziiki, dị ọnị ọ̀ sị mẹ̀ ịsọvọ hi Ohomorihi nị. Abụrahamị Óhomorihi hị́ eku nị, ama ô tenyi ẹngụ ka ọnị ọ̀ sị ozi anị ikonya mẹ̀ ịsọvọ hi Ohomorihi.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

Oyinyima 21:34

Abụrahamị ộ ra ịnị ẹtẹ Anihwirisiti nị ịzọọ ku ẹtẹẹtẹrẹ.

Ịrịka 10:30

Dị Ihobabi tụ ọ ohi ka ọnị ẹ yị saasa wa nị. Ọ kà ọnị aa va nọ eehi anị.