Anihiburu 11:12 - IWE ỌNỊNỊ

¹² Ịnị ụmẹ ọnọọ, Abụrahamị ộ ta bo, ọ hyakụ e vee sú. Ama ọnị ọyị va ma ezi ana ahịka ẹẹ rụrụ anka ụzọmị, dị ẹ rẹ rụrụ anka ààrẹ ụtọ ókụ̄ ọnị ọza ọ̀yị zụ za ịrịka nị.

Anihiburu 11:12 Referans Kwoze

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 32:12

Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.”

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ijeremaya 33:22

Ẹnẹyịmavara kà, ọza ẹ̀ yị mẹ zụ zá ụzọmị ene hi ẹbẹẹba ịrịka, dị ọza ẹ̀ yi rẹ zụ ngọ ààrẹ ụtọ ókụ̄ avọọ, avọọ gẹdẹ-gẹdẹ ọnị mẹ vaa mẹ ka ezi Idevidi ọnịrị Anireevi ana vị ohirẹsụ irehi Ohomorihi ka ẹ̀ rụrụ dị ọza ẹ́ yị zụ zá wa ịrịka nị.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Ẹtore 20:8

Dị ọ jịnẹ, di o nee vene anẹkụra ene hi avaba ẹhẹ, ọnọọ vị ka Ịgọọgị ọnịrị Ịmagọgị. Dị ọ kụ́ wa gụ ka ẹ̀ na kụ̀ ịrẹkụ, ẹnịnị ệ rụrụ anka aarẹ ene hi ụtọ oku avọọ.

Ayịsaya 10:22

Anisirẹrị ana vọ vaa vaa vẹ ịda Ohomorihi ana nyị ụkata. Ịzẹyịza Anisirẹrị ệ rụrụ anka ààrẹ ụtọ ókụ̄, ama aza chee ana vọ ẹ vaa vaa vẹ nị. Ebira ẹnị ẹ mẹ vị ana a vọrọ ka à sị wụ̀ wa ha, ụya ọnọọ vị ana tịtẹ ee zi wa.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ayịsaya 48:19

Ezi ẹnịnị vaa rụrụ anka aarẹ avọọ. Ọnị vaa mẹ̀ ka asị a nyị ịsị mẹ̀ wa.

Inehemaya 9:23

Ọnị ọ mẹ ka ezi ẹnịnị ẹ̀ rụrụ anka ụzọmị ịnị eguhi, dị ọ kụ wa na ngụ ẹtẹ ọnị ọ vịdị wo oto anị yị ohiku ẹnịnị ka ọnị vaa sị yị wa nị.

1 Ịtọpa 27:23

Ohinọyị Idevidi ẹ yị za aza ẹnẹ ẹ̀ yị gụ ịrayị oohu ịrịka, agụvị oto ọnị Ẹnẹyịmavara wo ka ọnị va mẹ ka ezi Anisirẹrị ẹ̀ rụrụ anka ụzọmị ene hi ẹbẹẹba.

1 Ohinọyị 4:20

Anijuda ọnịrị Anijerusarẹmị ệ rụrụ anka ààrẹ ụtọ ókụ̄. Ẹnịnị vị ana aa rị, di eyee hú, dị ẹ yaa mẹrị.

2 Ịsamụwẹrị 17:11

Di Ihusayi rẹ ka ịsa ọnị ro ka ộ mẹ̀ hu ọ vị ka ọ̀ kụ́ avaba Anisirẹrị gụ hụrẹ Ịdaanị na ngụ Ịbẹẹsẹba. Ọ kà ẹ̀ rụrụ ẹtẹẹtẹrẹ anka ààrẹ ụtọ ókụ̄. Ọ kà di Abịsarọmị ọnị ụvọta ọ kụ́ wa dị ẹ̀ẹ nọ ịrẹkụ.

1 Ịsamụwẹrị 12:5

Dị Ịsamụwẹrị ka, “Ẹnẹyịmavara ọnịrị Ohinọyị ọnị ọ nyị vị onivenu ayị ajịnị ka ẹ yị nyị ịsị mị mẹ wụ nịnị.” Dị aza ẹnẹẹ ka, “Hịịn, Ẹnẹyịmavara vị onivenu ayị.”

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Ijosuwa 11:4

Ịjị avaba ohinọyị ẹnẹẹ wụ́ enube ọnọọ, dị ẹ ku isoja hị́ ẹhẹ. Ẹnyị vị ana sị ahụ dị ọrụrụ-ọrụrụ ẹnịnị sị umaata ọnịrị ịkẹkẹ ịrẹkụ nị. Ọkọnị isoja vị ana gụ pọmị anka ààrẹ ụtọ ókụ̄.

Iwe Ọhụhị Imosiisi ana aa hị́ Ọyịvatụrọda 28:62

Ọ̀ọ daka vị ka wâ vịdị rụrụ nịnị anka ụzọmị nịnị, aza chee ọ̀ vanaa vẹtẹ ịnị awụ nịnị nị, agụvị ka wẹ yị wụ́ chire Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 1:10

Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Ihabaku 1:9

Ịrẹkụ kẹnẹ ọ jị wa aréyí nị. Aza ẹnị ẹ za ọrịhị ẹ rụrụ anka aarẹ.