Anihiburu 10:39 - IWE ỌNỊNỊ

³⁹ Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

Anihiburu 10:39 Referans Kwoze

1 Ịjọọnụ 5:5

Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

2Ipita 3:7

Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

Anihiburu 11:1

Sị aa hị́ ka ọza ọ́ọ sị ayị tụra Ohomorihi? Ọza ọ̀ọ sị ayị tụra Ohomorihi, ọnị ọ vị ka ọ́ọ yẹ ịnị ayị anị, ọyị jị ọọ ịrẹka ka ịsa ọnị ọnị aa tụra eyi anị aanị, oni vee ree dọ. Dị ọ rẹ yẹ ịnị ayị anị ẹtẹẹtẹrẹ ka ịsa oni oni ò yi re aanị yà ịzọọ ịzẹyịza nị.

1 Anịtẹsaronika 5:9

Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza.

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Iruuku 11:26

Dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba; dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna, ọ mẹẹ̄ vịdịị yà.”

Ahẹ Ụgama 44:18

Ẹwụ ị sị sị ayị ayịị yị dị ị raa sịị saasa ọda awụ nị.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ụhịrẹyị 14:14

Ọza ọhịmị vaa dọ ọgụ ebira odivi anị, ọza ọyịza ọnị rẹ vaa rị aha ebira ọyịza anị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ẹtore 17:11

Uye ana vịdị yàra, dị ọ̀yị kụkụ yàra aanị, ọnị ọ vị ohinọyị ọhụhịnta, dị ọ rẹ vị ọnya ịnị ịhịmba ẹnẹẹ nị. Aa nọ ịzị ọ vaa yàa vu ẹtẹ.

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

1 Itimoti 6:9

Ama aza ana aa dụ ụbanyị vaa hụrẹ ngụ ịnị ẹzamare. Ịsa ene eyee sì, vị ịsa ụra ana zụ mẹ wa ọnya; ịrẹpa ịsa ẹnẹẹ ọ sị wa za. Ẹngụ ịsa ẹnẹẹ vị eneē vú ọza saka-saka, dị áanị ta nị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”