Anihiburu 10:36 - IWE ỌNỊNỊ

³⁶ Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

Anihiburu 10:36 Referans Kwoze

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

1 Anịkọrịntị 13:7

Ọza ene sì ịrẹyị ọza, ọ mā sị ịrẹyị ọza nọ ịnị orere. Ọ rẹẹ̄ sị ayịị tụra ọza, o reē tụra eyi ịnị avaba ịsa ka aza vaa mẹ ẹtẹẹrẹ. Ọọ̄ sị ẹngụụ dọ avaba ịsa.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Anihiburu 6:15

Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.

1 Ịjọọnụ 2:17

Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Anikorasi 1:11

Ohomorihi ọ̀ sị ụkata anị, ene huna avaba ụkata yị wụ nịnị, agụvị dị ụ wa nyị ụkata, dị ụ wa rẹ nyị isuuru ini avaba ịsa ana àaa mẹ nịnị;

Aniroomi 8:25

Ama àa vị ịsị yè yi re, ị yaa tụra eyi anị nị, vị ị tangwa aa sị isuuruu jẹẹ zí ọọ nị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Anẹhwẹsọsị 6:6

Asị ụ mẹ̀ ebira omeyọza kẹnẹ nịnị, ama waa sị ayị ọnyaa mẹ̀ ụkọrọ awụ nịnị anka ezi ahụ Ikirisiti ene ee sì ka ẹnị ẹ̀ mẹ ịsị Ohomorihi sì!

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.

1Ipita 1:9

Agụvị ka waa sị ayị tụra a nịnị, ọ vaa dọ wụ nịnịị há nee tù ẹtẹ.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

Odeyi 13:22

Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Ahẹ Ụgama 40:1

Mâ tangwa jẹẹ ee zi Ẹnẹyịmavara kà ọ̀ va gụ mị ụvọ Ộ wụ́ ka mee nowu, dị ọ ba mị owu nị.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

Odeyi 13:36

“Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Ịmaakị 3:35

Ọza tụra ọza ana àa mẹ̀ ịsa oni Ohomorihi sì, ẹnị ẹ vị ẹyịnyara amị ọnịrị onyeyiza amị beri ọnyị amị nị.”

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

Anihiburu 11:39

Avaba aza ẹnẹẹ ệ vavọọ sị ayị tụra Ohomorihi, dị Ohomorihi kà ọda yị wa nị; ama ẹnịnị e yi sị eyi re ịsa oni Ohomorihi zẹẹ wa ịzẹzẹ anị.