Anihiburu 10:30 - IWE ỌNỊNỊ

³⁰ Yáa yẹ ọza ana kà a ka, “Oni oō sí atọ nị, oni vee sí atọọ varẹma!” Ọ rẹ kà ka, “Ananyị yị vaa mẹ̀ ọkarẹyị aza anị.”

Anihiburu 10:30 Referans Kwoze

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Ahẹ Ụgama 50:4

Ohomorihi ộ hị́ ẹbẹẹba ọnịrị ẹtẹ ka ẹ̀ vị onivenu di è re ọnị màa mẹ̀ ọkarẹyị aza anị.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Ahẹ Ụgama 135:14

Ẹnẹyịmavara vaa vayị aza anị, dị ọ vụ́ ịrẹvụ yị wa.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Aniroomi 13:4

Ọza ana nyị ọda vị ozi ahụ Ohomorihi, ụkọrọ ozoza aa mẹẹ yị wụ nịnị nị. Wàa mẹ̀ ịsa odivi, wee hí angwa anị, agụvị ka ụkata ọnọọ nyị, ọyị vị kẹnẹ-kẹnẹ, ozi ahụ Ohomorihi ọ vị nị. Ọza ana àa mẹ̀ ịsa odivi, vị aa sị ọyịkụ Ohomorihi zụ̀ ọọ nị.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ezikẹẹrị 18:30

Avọọ, ẹwụ nịnị Anisirẹrị, Ẹnẹyịmavara Ananyị ụkata hu ka, ọnị vaa mẹ̀ ọkarẹyị yị ọzịnya-ọzịnyara awụ nịnị anka ịsị ọzọza mẹ. Ro ịnẹ varẹma, dị wa và hụụnị ebira odivi ọnị waa mẹ nịnị; Asị ụ zẹẹ ka ebira odivi awụ nịnị ò wú wu nịnị ẹtẹ.

Ezikẹẹrị 34:17

Ẹnẹyịmavara kà àa vị ẹwụ nịnị ịsụpa anị yọ, ọnị vaa mẹ̀ ọkarẹyị ịrẹyị ọzịnya-ọzịnyara awụ nịnị. Ọnị vaa ha atẹmẹ ọyịza ọnịrị edivii hi, dị ọnị rẹ ha ịdẹba ọnịrị ịdẹ nịnị hi.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ayịsaya 59:17

Ẹnẹyịmavara vaa sị ịzẹyịza jị awuru chire anka awuru ịrẹkụ, dị ọ sị ụkata ẹdọha ku ịrẹsụ anka amu ịrẹkụ enyusẹ-enyusẹ avọọ. Ọ vaa sị oyisì ọkatẹngụ mẹ awuru chire, dị ọ sị ụya rị anayịchama nịnị, di o họ̀ oponu aza ana mẹ akụvị hi.

Ahẹ Ụgama 94:1

Ẹnẹyịmavara, ẹwa vị Ohomorihi ene eē sí atọ ịrẹyị nọ, navọ aza ẹ̀ yẹ ka ayịị̄ kụ́ wụ.

Ireevi 19:18

À sị ẹ na họ̀ oponu ịrẹyị ka ọza ọnyọọnyị na, à vị ka ẹ̀ sị ịrẹyị ọhịmị ọza ọnọọ tụ ịnị ịnẹ; ama ẹnịnị è sì ịrẹyị ọnọhụva anka é me sì ịrẹyị ẹngụ ẹnịnị. Ọnị ọ vị Ẹnẹyịmavara nị.

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 26:10

Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.