Anihiburu 10:27 - IWE ỌNỊNỊ

²⁷ Ọza ana àa vavọọ aa mẹ, ò hí angwa, agụvị ka Ohomorihi vaa mẹ̀ ọkarẹyị yọ. Ịra gogogo vaa rị aza ana vị ọnịvị Ohomorihi ịra.

Anihiburu 10:27 Referans Kwoze

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.

Imatiwu 13:50

dị ọ kụ́ wa và hi ịnị ịra ọbanyị. Dị e hi ịzọọ, dị ẹyaa jị òrèrè, dị ẹ rẹ yaa rị anyị.”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Ijemiisi 5:3

Igooru ọnịrị ọmọ ọnị ụ nyị hi ẹtẹ nịnị, e si kú ụrẹ. Ẹnị ẹ vaa sị zụ̀ ka ịsị ụ mẹ nịnị, o yi zoza. Ụrẹ ene e kú, vị ana sị mẹẹ anka ẹngụ awụ nịnị mè vee du anka ịra òo rere rị ịsa avọọ. Ẹhẹ aa vaa tá, ama ẹwụ nịnị ọ raà hàrà ogu tẹ.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 13:42

Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ijowẹrị 2:30

Ẹnẹyịmavara kà ọnị vaa mẹ̀ ịsa ene vee hị́ ọza irenu tụ́ ẹbẹẹba ọnịrị ịrẹsụ ẹtẹ. Ọza vee re anya ọnịrị ịra ne beri areyi ana aa da dụụmẹ.

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ezikẹẹrị 38:19

Ọnị maa kụ̀ ụhị, dị ayị anị aa dọva, ọnị ộ kà a ka ẹtẹ Isirẹrị vee henyi jigi-jigi ịhị ọnọọ.

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Ahẹ Ụgama 21:9

Ịhị wàa vẹ, ụ vaa mẹ ka ẹngụ ọnịvị awụ ọ̀ kà ịra anka èe rere ne ọza ngụ ịra avọọ. Ẹwụ Ẹnẹyịmavara vaa sị ọyịkụ-ọyịkụ dị ụ sị wụ̀ wa dị ụ rị wa ịra và ha.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.

Ịrịka 16:35

Dị ịra chi hụụ ịdị Ẹnẹyịmavara vẹ vaa rị aza ẹnị ịrẹka tụra ẹvarẹwụ anaa rị eturare ịra.

Iruuku 23:30

Ụmẹ ọnọọ, aza vaa kà a yị ataba ka: ‘Aarịhịnị, wú za yị! dị ẹ rẹ kà a yị ataba oweyi ka ọ̀ và kú ẹnị za ẹtẹ’

Iruuku 21:26

Dị ayị anẹhẹ kụ́ sụ̀ enyi, ángwa òo mèe hí wa, agụvị ka ệ jẹẹ ee zí ụyọrị ana vọ ana aa vẹ ịnị ẹhẹ. Ịsa ene hi ẹbẹẹba vee henyi.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

Iruuku 16:24

Ọnyẹkẹhị ọnọọ ô nowu tụ́ ẹba, dị ọ ka: ‘Abụrahamị ada ayị, aarịhịnị vayị amị, dị ụ wa tụ́ Ịrasarụsị ka ọ̀ jị ịrẹsụ igege anị ngụ enyi, dị ọ̀ va tọ ọ tụ́ mị ịrarẹ, di ò hunẹnẹ; ka ịra ọnọnị aa sị ụyaa rị mị ẹtẹẹtẹrẹ.’

1 Ịsamụwẹrị 2:25

Ọza ọ̀ọ mẹ ọza ebira odivi, Ohomorihi ọ zụ ba ọza ene e sì ịrẹyị owu. Ama ọza ọ̀ọ na mẹ̀ ebira odivi hi Ẹnẹyịmavara, ẹnẹ kụkụ vaa dá ịpẹ anị?” Ama ezi anị ẹ yị sị ụtọ tụ́ ịnị ohuvọ ana ada ẹnịnị aa tụ́ wa agụvị ka Ẹnẹyịmavara ọ raà nyị ọ tụ ịnị ayị ka ọnị ọ̀ wụ̀ wa.

Ịjọọnụ 5:29

Dị ẹnịnị jịnẹ hụụnị ikuta ẹnịnị vẹ ẹhẹ. Aza ana àa mẹ ọyịza, dị ẹ ha hụụnị isu, dị ẹ kụkụ yàra. Ama aza ana àa mẹ odivi, ẹnị rẹ vaa haa hụụnị isu, dị aa mẹ̀ ọkarẹyị isu yị wa.”