Anihiburu 10:26 - IWE ỌNỊNỊ

²⁶ Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Anihiburu 10:26 Referans Kwoze

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Iruuku 12:47

“Ozi ahụ ana àa yẹ ịsị ọga anị sì, ama di ò yi tenyi ẹngụ ka ọnị ọ̀ mẹ̀ ẹ nị, vaa dọ ịjapa ẹtẹẹtẹrẹ.

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Ireevi 4:2

ọ̀ kà yị Anisirẹrị nịnị ka ọza ọ̀ọ nyeeyi sị ahụ jịnẹ ọda Ẹnẹyịmavara, dị ọ mẹ̀ ịvị vaa mẹ saasa ọda ẹnịnị.

Ireevi 4:13

Àa vị avaba Anisirẹrị e nyeeyi jịnẹ ọda Ẹnẹyịmavara dị ẹ mẹ ịvị, dị eyi ẹnịnị e yi tu ọ nị. Ẹnịnị ẹ̀ẹ mẹ̀ ịsa ọnyọọnyị ọnị Ẹnẹyịmavara kà à sị á mẹ, dị ẹ rị ịvị nị

1 Ịsamụwẹrị 2:25

Ọza ọ̀ọ mẹ ọza ebira odivi, Ohomorihi ọ zụ ba ọza ene e sì ịrẹyị owu. Ama ọza ọ̀ọ na mẹ̀ ebira odivi hi Ẹnẹyịmavara, ẹnẹ kụkụ vaa dá ịpẹ anị?” Ama ezi anị ẹ yị sị ụtọ tụ́ ịnị ohuvọ ana ada ẹnịnị aa tụ́ wa agụvị ka Ẹnẹyịmavara ọ raà nyị ọ tụ ịnị ayị ka ọnị ọ̀ wụ̀ wa.

1 Itimoti 2:4

Ohomorihi ee sì ka ọnị ọ̀ dọ avaba aza há, dị ẹ̀ zụ yẹ ịzẹyịza.