Anihiburu 10:25 - IWE ỌNỊNỊ

²⁵ Asị ị navọ ẹngụ ọyịkụgụ tịtẹ, anka aza ẹnyị mẹ̀ẹ̄ mẹ! Ama à vẹ yaa tụ́ ẹngụ ọtụtụrụma, ẹ́kụhị Ananyị yị mẹ̀ hyakụ aa gụrị ẹtẹ aanị!

Anihiburu 10:25 Referans Kwoze

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

Anihiburu 3:13

Agụvị asị a nyị ọza ene vene ịvị na mẹ ka ayị anị ọ̀ katẹngụ, wee hú ẹngụ ụvọ nịnị eyinị-eyinị m màa yịị kà a ajịnị aanị.

Anihiburu 10:24

À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

1 Anịkọrịntị 5:4

Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị,

1 Anịtẹsaronika 4:18

Agụvị avọọ, waa sị ịrẹyị ẹnẹnịị hunẹnẹ ẹngụ ayị nịnị.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 20:7

Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

1 Anịkọrịntị 14:3

Ama ọza ana aa kà ịsẹ vị ana aa kà ịrẹyịị yị aza. Ịrẹyị anị aa gụ aza ụvọ, ọ raa mẹ ka ayị aza ẹ̀ vị, dị èe hunẹnẹ wa ayị.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

Anihwiripi 4:5

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

Ijemiisi 5:8

Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ.

1 Anịkọrịntị 14:23

À kà a ka avaba anịragụ Ohomorihi ẹ sị gụ, dị ọzọza kwẹẹtẹ aa sị ẹkụra ọsaa kà ịrẹyị. Aza ẹnẹ ẹ̀ yị yẹ ịsa ẹnẹẹ, àa vị aza ẹnẹ ẹ̀ yị dọ wụ́, ẹ̀ẹ rẹ vẹ ịzọọ, wéé ro ka ayị vị ẹyaa kà a ka u wee che uvu nịnị nị?

Ijudi 1:19

Aza ẹnẹnị ẹ sị aza há hi. Ịsị ivehu ẹnịnị ọ̀ọ kà yị wa kẹnẹ ẹẹ̄ mẹ nị, ẹnịnị ẹ́ yị nyị Ụhwẹ Ọnịnị tụ́ ịnị ayị ẹnịnị.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

1 Anịkọrịntị 11:20

Wàa vavọọ va sị gụ nịnị, ẹ yị vị ịsọyịrị Ananyị yị ụ waa vaa rị nịnị.

1 Anịkọrịntị 3:13

Ẹkụhị ọnya, e vee re, ụ́kọrọ ọzọza mẹmẹ yà. Ịhị ọnọọ oni Ijeesu vaa vaa vẹ, vaa sịị zụ̀. A vaa sị ịraa zama ụkọrọ ọzọza re. Ịra ọnọọ vaa sị zụ̀, ụ́kọrọ ọzọza mẹmẹ yà.

Odeyi 16:16

Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Imatiwu 10:15

Ịzẹyịza, dị ma kà a wụ nịnị ka ịnị ẹkụhị ọkarẹyị, ọ vaa daahi yị anẹkụra Isodọmị ọnịrị Igomora hu anẹkụra ọnọọ.”

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Anihiburu 10:37

Anka iwe Ohomorihi mẹ kà, Òo kù chee, ọza ana aa vẹ, vaa vẹ. Ọyị vaa sị ụmẹẹ tura ẹtẹ.

Anihiburu 13:22

Ẹwụ nịnị ẹyịnyara amị, aarịhịnị sị ụtọ pe ịrẹyị ọnị mị sị pe wu nịnị juwe aanị ẹtẹẹtẹrẹ! Iwe ọnị mị chẹrẹ tụ́ hi wu nịnị ọ yị gọdọ.