Anihiburu 10:24 - IWE ỌNỊNỊ

²⁴ À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

Anihiburu 10:24 Referans Kwoze

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

1 Ịjọọnụ 3:18

Ẹwụ nịnị ezi emi, asị sị irenu kẹnẹ sì ịrẹyị ẹngụ, à vẹ yaa mẹ̀ ịsa ana sị zụ ka ịzẹyịza yee sì ịrẹyị ẹngụ!

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

1 Itimoti 6:18

Kàa ka ẹ̀ẹ mẹ ọyịza, dị ẹ̀ẹ mẹ ọza ẹyịza, asị ẹ ngụ ayịsa! Ọnọọ ọ vaa mẹ ka ẹ̀ vị ọzọbanyị obooro nị.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

1 Anịkọrịntị 10:33

Avọọ gẹdẹ-gẹdẹ m maa mẹ̀ nị. Maa sịị vụrị ka mee ro o yị aza ịnị avaba ịsị ẹ màaa mẹ. Me yi sì ọyịza yị ẹngụ amị kẹnẹ, ama mee sì ọyịzaa yị aza ana vọ, agụvị dị à zụ dọ wa há.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

2 Anịkọrịntị 8:8

Mẹ yị mẹ̀ ẹ ọdaa wụ nịnị. Ama mee sì ka ma yẹ, u meme sì ịrẹyị ọza nịnị; agụvị avọọ m maa kà a wụ nịnị, aza ana vọ mẹmẹ aa gụ aza ụvọ nị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

2 Anịtẹsaronika 3:9

Ayị vị agụvị ka ye yi re oze họ̀ use ka waa sị ịsaa yị nịnị, ị́ vavọọ aa sịị mẹ. Ama yâ vavọọ mẹ ka wa zụ ree, dị waa hama yị nịnị.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

2 Anịkọrịntị 9:2

Mâ yẹ ka wee sì ka wa mẹ ọgụvọ nịnị. Mâ hyakụ sị ịrẹyị awụ nịnị wo oto yị Animasedoniya. Mâ kà a yị wa ka hụrẹ ayẹnẹ ánda ayị ene hi Akaya hụrẹ ee sì ka ẹnị ẹ̀ mẹ ọgụvọ nị. Ụ mẹmẹ sị ayị sị ọọ nịnị, ọ raà mẹ ka aza ọrụrụ-ọrụrụ ẹnị ẹ̀ rẹ sị ayị sị ọọ.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Ịtayịtọsị 2:4

Ẹ̀ẹ vavọọ aa mẹ, ẹ va zụ sịị zụ̀ anẹẹ ana vị ozweyi ka è sì ịrẹyị ọva ẹnịnị ẹnịrị ezi ẹnịnị.

1 Anịkọrịntị 9:22

Mèe re tù ịdị aza ẹnẹ ẹdọwụ ẹnịnị ẹ̀ yị vavọọ katẹngụ, dị mị sị ẹngụ amị tụ́ udi ẹnịnị, agụvị ma zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́ hu avọọ. Udi tụra udi oni mèe ne tù ọza, dị mị rẹ sị ẹngụ amị tụ́ udi ọnọọ. Mị vavọọ aa mẹ ịsị màa zụ mẹ, ka ịsavọọ ma zụ mẹ ka à dọ aza ẹnyị há.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

Aniroomi 11:4

Ịjọọ vavọọ kà, wâ yẹ, Óhomorihi mè tụ́ ọọ ohi? Ohomorihi ộ kà a yọ ka, “Ma nyị nyị aza ẹnị akahị-akahị oze ịhịmba (7,000) tẹ yị ẹngụ amị. Aza ẹnẹẹ ẹ yị hyakụ jị idinku ku ẹtẹ yị ori ọnọọ ana aā hị́ Ịbaarị.”

Ahẹ Ụgama 41:1

Ẹngụ aza ana ahịka eē ro ịrẹyị onosiye ẹ̀ nyarị ịrẹsụ ọyịza Ụmẹ ẹnị ẹngụ aza ẹnẹẹ ẹ̀ẹ nyị akanya, Ẹnẹyịmavara vị ana aa dọ waa tụ́.

Ụhịrẹyị 29:7

Ọnịzẹyịza ọ́ yẹ ịsị a vọrọ ka a mẹ yị onosiye anaa ọza ọhịmị ẹ yị tẹsị.

Anihiburu 3:13

Agụvị asị a nyị ọza ene vene ịvị na mẹ ka ayị anị ọ̀ katẹngụ, wee hú ẹngụ ụvọ nịnị eyinị-eyinị m màa yịị kà a ajịnị aanị.