Anihiburu 10:23 - IWE ỌNỊNỊ

²³ À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 10:23 Referans Kwoze

1 Anịtẹsaronika 5:24

Ohomorihi ọ nyị wụ nịnị nị. Ọ vavọọ vaa mẹẹ agụvị ka a zụ sị ayị tụraa.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

2 Anịtẹsaronika 3:3

A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

Ẹtore 3:11

Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ijemiisi 1:6

Ama ọza ọnọọ àa pa ịsa ịnị ụvọ Ohomorihi, áa nyị ka ọ̀ dọ wụ ka ọ vaa sịị yị ọnị; asị ọ mẹ ayị ẹẹva. Ọza ana àa mẹ ayị ẹẹva vị ana sị mẹẹ anka enyi ini òkū ana ahị aā kụ́ụ vaachii vaa hịrẹ avọọ.

Anihiburu 11:11

Isera ọnị ọ rẹ sị ayị tụra Ohomorihi, agụvị avọọ di o zụ zyẹẹ, dị ọ ma ozi ọnya nị. Ịnị ụmẹ ọnọọ, Isera osi huna ọza ana vọrọ ka ọ̀ kụkụ zụ ma ozi. Ama Isera ộ sị ayị tụra Ohomorihi ana ka ọnị vaa mẹ̀ ịsa ka ọnịzẹyịza ọ vị nị.

Anihiburu 4:14

Yaa nyị ọza ịnya ana yà anka ohirẹsụ ọbanyị irehi Ohomorihi avọọ. Ọza ọnọọ ọ vị Ijeesu Ozi Ohomorihi ana zị nọ ẹbẹẹba nị. Agụvị avọọ, à vẹ ya sị ụvọ za ịsa ọnị ka yaa dọ wụ́ geri-geri.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Ahẹ Ụgama 26:1

Ẹnẹyịmavara, asị ụ jị ịvị mị agụvị ka mẹ yị zẹẹ ka ma mẹ akụvị Mẹ yị mẹ ayị ẹẹva, ẹwụ nya kẹnẹ mị sị ayị tụra nị.

Arụwẹ 3:23

Ohomorihi ọ wụra sị ayị tụra. Eyinị-eyinị vị ọnị ọọ̄ vayị ọza.

2 Anịkọrịntị 9:13

Ịsa ẹnẹ ẹyịza ọnị ụ mẹ nịnị sị tụ́ ẹhẹ, vaa mẹ ka aza ẹ̀ẹ sị igirimaa yị Ohomorihi, agụvị ka wáa nyị ịzẹyịza tụ́ ini enube ọyịza Ikirisiti ọnị ụ ka wâ dọ nịnị, ọnịrị ka wẹ yị sị ụvọ kú oku nịnị, ẹwụrị wa ne beri avaba aza ana vọ aa gà ịsa ọnị ụ nyị nịnị.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.