Anihiburu 10:22 - IWE ỌNỊNỊ

²² Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 10:22 Referans Kwoze

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Ahẹ Ụgama 73:28

Yị ẹmị, ò ze ka ma gụrị Ohomorihi. Ẹnẹyịmavara Ochẹtẹẹngụ ọ sị mị tẹ nị, Avaba ịsa oni Ohomorihi aa mẹ vị ọnị mị vaa kà a zụ̀ aza.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

Anẹhwẹsọsị 3:12

Agụvị ka ẹyịrị ọ ọ sị vị ọnya, dị ị rẹ sị ayị tụra a nị, ya kụkụ nyị ọtụtụrụma, ye re re oze kà pe Ohomorihi. Ẹ yị nyị ịsị ee chire yi angwa.

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

Anihiburu 9:19

Ịpaapa, Imosiisi ộ vịdị kà a yị avaba aza ẹnẹẹ avaba ịsa a vọrọ ka ẹ̀ mẹ anka ọda Ohomorihi. Dị ọ va sị anya ozi imaaru ọnịrị ịdẹ beri enyi, dị ọ sị avị ana aā hị́ ihisopu ọnịrị ẹyị atẹmẹ ana a jị ngụ azọnọ ovivi, dị ọ jị ọọ ngụ anya ọnọọ ọnịrị enyi, di o chee sẹ́ iwe ọda ọnịrị aza ẹnẹẹ nị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Ezikẹẹrị 16:9

Ọnị ộ hụ wụ enyi, dị ọnị nyịna anya awụ kwooze nị. Dị ọnị rẹ dị angwẹ orivi sisi wụ ẹngụ nị.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ireevi 8:6

Dị Imosiisi kụ Eerọnị ọnịrị ezi anị dị ọ hụ wa enyi nị.

Ijemiisi 1:6

Ama ọza ọnọọ àa pa ịsa ịnị ụvọ Ohomorihi, áa nyị ka ọ̀ dọ wụ ka ọ vaa sịị yị ọnị; asị ọ mẹ ayị ẹẹva. Ọza ana àa mẹ ayị ẹẹva vị ana sị mẹẹ anka enyi ini òkū ana ahị aā kụ́ụ vaachii vaa hịrẹ avọọ.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ahẹ Ụgama 119:7

Ịjị maà kọsẹ ụ mẹmẹẹ sị ịzẹyịzaa mẹ̀ ọkarẹyị, dị maa sị ayị ọnyaa kụ́ wụ avọ.

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ịrịka 8:7

Imosiisi o che irenyi sẹ wa ẹngụ dị ọ nyịna ịvị ẹnịnị kwooze. Dị ọ̀ ka yị wa ka ẹ kụ avaba ẹyị ene hi ịnị ẹngụ ẹnịnị dị ẹ nyịna achị ẹnịnị.

Ireevi 14:7

O vee che ọnọọ sẹ ọza ana nyị ka à nyịna ịdọtị ụkụ ana za a aanị kwooze, dị ọ̀ va ka a ka ụkụ anị ọọ tá. Ọ̀ọ sị ọsọnị mẹ, dị ọ hụrẹ inomi ana vọ aanị ụvọ dị ọ hira na ngụ avị.

Anihiburu 11:28

Ịnị ka ọ sị sị ayị tụra Ohomorihi, ọ mẹ ka ọ̀ sị Eche Ọyịparahu hi ẹtẹ nị. Di o che anya sẹ́ ẹbanoze nị, ka à yị vị avọọ, anggẹẹrị ana wụ ezi ịpaapa aza, va kanyị ẹnị.

Anihiburu 10:19

Ẹwụ nịnị ẹyịnyara amị, ini oze anya oni Ijeesu che sẹ́ ẹtẹ o mè sú, yáa nyị ọtụtụrụma ọyịna ngụ aha ọnịnị keekere ịzị Ohomorihi yà.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

1 Itimoti 4:2

Dị eyee cheeche, dị ẹyaa mẹ ogevegeve. Dị ayị ẹnịnị ẹ yị hyakụ kụkụ jị pèe, dị ọ sị mẹẹ ka vị a raà sị enyusẹ ịrịịra tụra ayị ẹnịnị, dị a sị ọọ wụ nị.

Ijeremaya 30:21

Ọ kà, ịnị ẹngụ ẹnịnị ẹ vaa nyị ọdọvịdị ẹnịnị ọnịrị ohinọyị ẹnịnịị hụrẹ nị. Ọnị vee turaa pe ẹngụ dị ọ gụrị ọnị, agụvị ka ẹ́ yị nyị ọza ana nyayịnẹ ka pe ọnị ẹ̀ẹ vị ọnị hị́ ọ.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ayịsaya 52:15

Ama ịrẹyị anị vee hi aza ọrụrụ-ọrụrụ irenu. Ịrẹyị anị, vee hi ohinọyị nịnị irenu, dị ẹnịnị ẹ yị hyakụ kà ịrẹyị. Ẹnịnị vee re ẹtẹ dị ẹ yẹ ịsị ẹnịnị ẹ̀ yị vịdị yẹ da.

Ahẹ Ụgama 119:145

Ẹnẹyịmavara, ayị ọnya m maa sịị hí wụ nọ, navọ kwogwo we tụ́ mi òhi. Wèe tụ́ mi ohi, mị vaa saasa ọda ọnị ụ mẹ.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Anẹhwẹsọsị 6:5

Ẹwụ nịnị ezi ahụ, waa wụ́ ịrẹyị aza ana vị ọga awụ nịnị ịnị ẹhẹ ọnọnị! Sị ụbanyị yị wa, dị ụ wa nyị angwahi ẹnịnị! Waa sị ayị ọnyaa mẹ ụkọrọọ yị wa nịnị, anka ụ mẹ̀ yaanị mẹ yị Ikirisiti nịnị!

Odeyi 8:21

Wẹ yị nyị ụvọ tụ́ ịnị ụkọrọ ayị ọnọnị, agụvị ka wẹ yị nyị ayị ọnya ini eyi Ohomorihi.

Ịjọọnụ 8:9

Ịjị ẹnịnị vavọọ wụ́, di e nyima hụụnị ọzọkụ ẹnịnị, dị ẹyaa tụ̀ ọnya-ọnya nị. Dị ọ kụkụ sị vọ Ijeesu ọnịnya beri ọnẹẹ ọnọọ ana yị jẹẹ ọvịdị anị nị.

Ahẹ Ụgama 119:80

Navọ kwogwo ma nyẹngụ sị avaba ayị amị saasa ọda awụ agụvị asị ụhị na nyị mị.

Ahẹ Ụgama 119:69

Aza ana aa mẹ eyii zị e reè cheeche irenyi-irenyi kú mị, ama avaba ayị mị sị sị saasa ọda awụ nị.

Ahẹ Ụgama 119:58

Avaba ayị amị m maa sịị dá ịpẹ ka wa vayị amị anka ụ mẹ̀ kà a nị.

Ahẹ Ụgama 119:34

Navọ wa sị ịrẹyọyẹ mị, dị ma sị ụvọ za ọda awụ dị maa sị avaba ayị amịị saasa a.

Ahẹ Ụgama 119:10

Avaba ayị amị mị sị jẹẹ pe wu nị, aarịhịnị asị ụ zẹẹ ka me nyee eyi hụụnị ọda awụ.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Ahẹ Ụgama 111:1

Waa kụ́ Ẹnẹyịmavara. Avaba ayị amị mị vaa sịị sị ụbanyịị yị Ẹnẹyịmavara ịzị ọnịzẹyịza ẹ̀ẹ gụ hi nị.

Ahẹ Ụgama 94:15

Ụmẹ aa vẹ ana a vanaa sị ịzẹyịzaa mẹ̀ ọkarẹyị. Aza ana aa mẹ ịzẹyịza vaa jẹẹ pè e.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Ụgama 32:11

Ẹwụ nịnị ana aa mẹ̀ ebira ana vọrọ waā jẹ agụvị ịsa ẹnẹ Ẹnẹyịmavara aa mẹ Avaba ẹwụ nịnị ana aa mẹ̀ ebira ana vọrọ ini eyi Ohomorihi mị ka waa jẹ dị waa jị ahẹ nịnị.

Ahẹ Ụgama 9:1

Ẹnẹyịmavara, avaba ayị amị m maa sịị kụ́ wụ avọ nị; mi vaa kà zụ̀ aza avaba ụkọrọ ẹbanyị-ẹbanyị ọnị ụ mẹ.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

1 Ịtọpa 12:33

Hụụ ịdị Anizeburuni nịnị: Aza ẹnị akawụ-akawụ oze ohurẹẹhị (50,000). Ẹnịnị vị akoyina aza. Ệ nyị avaba ẹnya ịrẹkụ ẹnẹ ẹ kụ ọ̀yị sị ayị ọnya gụ Idevidi ụvọ.

1 Ohinọyị 15:3

Avaba ebira odivi ana ada Abijami mẹ ka Ẹnẹyịmavara na, Abijami ọnị rẹ mẹ nị. Ayị anị ọ yị vị ọnya tụ́ ịda Ẹnẹyịmavara anka Idevidi ohiku anị mẹ̀ nyị ayị ọnya.

Ireevi 16:4

Ẹnẹyịmavara kà, dị Eerọnị ộ va ngụ aha ọnịnị ene hu aanị, áa nyị ka ọ̀ hụ enyi, dị ọ̀ kụ ẹnya ohirẹsụ irehi Ohomorihi hi ẹngụ: ò chire awuru ọgọdọ hwẹkẹ-hwẹkẹ anị, dị ọ̀ vụ́ aaruchi oweyi tụ ọ, ọ̀ sị obo sụ ọtẹ, dị ọ̀ jị ubobo anị.

Iruuku 1:1

Aza ọrụrụ-ọrụrụ ẹ raà sị vụrị ka ẹnị ẹ̀ chẹrẹ ẹ ahụ-ahụ avaba ịsa ana mẹ ịnị akakana ẹ yị.

Odeyi 22:16

Sị ẹ vẹ dị ụ kụkụ jẹẹ? Kwẹẹtẹ, dị à mẹ̀ ọyịhwọzenyi wụ; hị́ ịrẹha Ananyị yị, dị ọ̀ nyịna ịvị awụ kwooze!’

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Anihiburu 10:1

Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.